宏 (已搬遷) 新店位置

突然想食綠茶蛋糕，所以當然就要去有香港第一間供應綠茶蛋糕的餐廳食啦！環境好好，好光猛，旁邊有落地玻璃睇下街景，而且坐得好舒服😍未食蛋糕之前，當然要食主餐先啦！由於我揀唔到食咩😅所以揀左一個有飯有烏冬的套餐黎食！兩碗份量唔多，但夾埋就岩岩好夠食啦！烏冬淡淡地，最岩開頭食，可以令成餐的味道有層次感，慢慢遞升上去！旁邊的照燒雞扒肉質滑溜，加上照燒汁，令到味道更加好食！食完主食就要食甜品啦！話明食綠菜蛋糕，咁點會唔食呢！綠茶味好足，食落好軟熟，而且凍凍地好好食！不過我就最鐘意尼個雪糕芭夫啦！又凍又熱，好有口感，直頭係冰與火呀😂