影片
更多
2021-11-25
470 瀏覽
今次一行六人去食流水蝦蝦燒，地方頗大，不過枱櫈安排坐得好迫，背脊貼背脊，膊頭貼膊頭。一坐低，職員已經擺低咗幾隻蝦燒緊，當然，大家都知呢啲有機會係瞓咗覺嘅蝦，我哋都冇咩點食。跟住我哋就兵分兩路，一邊夾新鮮嘅蝦，一邊出去攞其他海鮮，熟食。海鮮方面，有大部分都新鮮嘅鮑魚，有急凍嘅帶子，原隻魷魚，仲有一人一串唔係任食嘅鱔，鱔係超級肥美。鮑魚同帶子加咗泰式汁醬，好好食。大頭蝦因為新鮮，所以點燒都係好食既。燒菠蘿都好好食，食左好多。唯一令人最失望嘅地方，就係六個人都只係得一個爐，又限時兩個鐘，個爐係慢到傻，基本上大家係無停過手，所有食物排到密麻麻，唔夠時間放開食。我會建議餐廳每4人應該安排一個爐。****************評分 : 5.5/10簡評 : 蝦可以，爐就失望
一坐低，職員已經擺低咗幾隻蝦燒緊，當然，大家都知呢啲有機會係瞓咗覺嘅蝦，我哋都冇咩點食。跟住我哋就兵分兩路，一邊夾新鮮嘅蝦，一邊出去攞其他海鮮，熟食。
海鮮方面，有大部分都新鮮嘅鮑魚，有急凍嘅帶子，原隻魷魚，仲有一人一串唔係任食嘅鱔，鱔係超級肥美。鮑魚同帶子加咗泰式汁醬，好好食。大頭蝦因為新鮮，所以點燒都係好食既。燒菠蘿都好好食，食左好多。
唯一令人最失望嘅地方，就係六個人都只係得一個爐，又限時兩個鐘，個爐係慢到傻，基本上大家係無停過手，所有食物排到密麻麻，唔夠時間放開食。我會建議餐廳每4人應該安排一個爐。
****************
評分 : 5.5/10
簡評 : 蝦可以，爐就失望
張貼
