享慢煮泰 (已結業)

流心牛角包好耐之前已經好想打卡，今次終於嚟到堅尼地城，一定要趁機試下！新鮮香脆牛角包，搭配埋香濃嘅龍蝦湯真係好滿足，一切開湯汁就湧出來，嗰一下真係好治癒。前菜叫嘅係龍蝦鳳梨沙律，龍蝦配埋香脆嘅蟹籽真係好爽口，新鮮嘅菠蘿令口感更加清新。主菜我叫嘅係瑪莎曼咖喱和牛尾，香濃嘅咖哩真係好正，就個汁都已經可以撈成碗飯，和牛好爽口，而且牛肉味好香，我覺得一定要叫嚟試下。朋友叫嘅係泰式豬頸肉，豬頸肉有特色肥而不膩，咬落去非常彈牙，好有口感。甜品叫咗椰子雪糕配風乾鳳梨及黑糯米，同埋泰式奶茶流心牛角包。試咗兩款我覺得黑糯米椰子雪糕真係好有泰式風味，香濃嘅椰子再配埋煙韌的黑糯米，簡直係最滿意嘅甜品，椰子雪糕椰子味好出，超級正！