The Big Things Party (已結業)

活化工廈入面既日式餐廳位於南豐紗廠，閒日唔算多人，不過由荃灣西站搭車過去好塞車，餐廳又早關門（7點要刪門)，所以想影多啲相真係要好好拿捏時間，因為好多打卡位，啲食物賣相又擺得好好，明呃你影多幾張相🤣1️⃣南蠻炸雞終極熱辣辣新鮮出爐👍🏻好難炸雞可以做到呢個效果！好好味😋2️⃣吉列豬扒拉麵認真既，個拉麵同湯底有啲似平時係超市買到果隻味黎既，不過人哋又唔係拉麵專門店，唔難食已經好好，好彩個吉列豬扒加返分！外脆內軟👍🏻又冇皮肉分離，炸物一流！3️⃣三文魚籽明太子忌廉烏冬呢個係必食😋因為個忌廉同烏冬真係好夾！好好味👍🏻如果唔係三文魚籽可能會更好😛因為我唔鍾意食，如果唔係肯定係滿分！4️⃣士多啤梨奇遇唔會太甜，個士多啤梨味又好香！成杯野靚到唔捨得飲阿！5️⃣朱古力冬甩新地好似飲緊朱古力雪糕新地咁😂又唔會好甜！又靚！💟總結：整體來講都係個好好嘅體驗！環境又闊，裝修又靚，野食又好味！