影片
更多
2017-10-19
173 瀏覽
今日同男友入元朗揼骨，揼完骨又喺附近揾食，呢排少咗食泰菜，所以有d心引要去食返餐!平時我哋多數去九龍城食，但無理由出返去食!而且元朗都有好幾間泰菜舖，見到呢間“Aloy Mak Mak” ，決定試下佢係咪真係咁好味先?!係門口睇咗陣餐牌，星期六佢都有set lunch，主要係粉麵飯，但我哋兩個都麻麻地想食澱粉質，所以好快就冇睇。跟手就轉移目標去咗2人餐，大致上都啱食同埋都覺得抵食，但可惜佢餐只有我唔食嘅咖哩牛，如果佢可以轉做咖哩雞就好lu。最後我哋決定散叫!一睇menu就不得了，除咗封面隻QQ泰象之外，入面勁多嘢食揀，有泰菜亦有越菜，不過我同男友都鐘情泰菜多d!除咗以下嘅menu，其實仲有好多其他泰菜例如咖哩呀，炒小菜呀，燒魚呀之類，不過下面果d係我多數食泰菜會揀嘅種類。起初睇……覺得價錢方面不過不失啦，同我哋喺九龍城食差唔多，不過後尾發現原來有驚喜，味道唔錯之餘份量亦好夠睇頭!餐廳裝修我覺得幾得意，有d泰式加Graffiti crosscover，木底白字，喺橫樑上面有不同嘅字眼，公仔或LOGO。另外仲掛咗d泰式嘅飾物，例如花串，泰象公仔，當中我最鍾意係呢個大圓木雕，有代表佛教嘅蓮
係門口睇咗陣餐牌，星期六佢都有set lunch，主要係粉麵飯，但我哋兩個都麻麻地想食澱粉質，所以好快就冇睇。
跟手就轉移目標去咗2人餐，大致上都啱食同埋都覺得抵食，但可惜佢餐只有我唔食嘅咖哩牛，如果佢可以轉做咖哩雞就好lu。
最後我哋決定散叫!一睇menu就不得了，除咗封面隻QQ泰象之外，入面勁多嘢食揀，有泰菜亦有越菜，不過我同男友都鐘情泰菜多d!
除咗以下嘅menu，其實仲有好多其他泰菜例如咖哩呀，炒小菜呀，燒魚呀之類，不過下面果d係我多數食泰菜會揀嘅種類。起初睇……覺得價錢方面不過不失啦，同我哋喺九龍城食差唔多，不過後尾發現原來有驚喜，味道唔錯之餘份量亦好夠睇頭!
餐廳裝修我覺得幾得意，有d泰式加Graffiti crosscover，木底白字，喺橫樑上面有不同嘅字眼，公仔或LOGO。
另外仲掛咗d泰式嘅飾物，例如花串，泰象公仔，當中我最鍾意係呢個大圓木雕，有代表佛教嘅蓮花，眾所周知泰國係佛教國家，除咗佛廟佛像之外，蓮花都好代表到泰國。
鹹O七冰底同七喜分開上，白雪雪鹹O睇就靚但飲落冇乜味，飲多兩下就冇晒味!建議餐廳轉用黑蚊蚊果種鹹O，用果種更加有泰味!
2 瀏覽
0 讚好
0 留言
2 瀏覽
0 讚好
0 留言
飛天通菜係遠近馳名嘅曼谷街頭小菜，點解叫飛天，咪就係因為d菜識飛囉!事關個廚師會喺街邊炒通菜，之後將菜同汁分開，再大力向天一拋，鑊入面d通菜即時飛去對面街，呢個時候就會有個店員跑到去通菜嘅落點，用碟接住d通菜，再跑返嚟將菜放返入裝滿醬汁嘅碟度俾客人享用。
通菜翠綠爽身一d都唔老，勁足料份量又多，但差少少鑊氣。
9 瀏覽
0 讚好
0 留言
呢個冬蔭公可謂水準之作，湯入口夠酸又夠辣，用泰國特式嘅火鍋仔裝住，上枱時喺下面點著火滾住，熱辣辣咁飲冬天就最啱!入面仲有隻勁大隻嘅大頭蝦，蝦頭勁爆羔!可能放咗落湯煲過，蝦肉有d軟腍，但依然勁吸睛!
3 瀏覽
0 讚好
0 留言
9 瀏覽
0 讚好
0 留言
2 瀏覽
0 讚好
0 留言
外層塗上牛油嘅厚多士條烘烤而成，鬆脆香口，但蒜茸味唔濃，可以再重d蒜味就perfect!一碟有6件份量都算ok，叠起好似金磚咁，又一相機美食。
4 瀏覽
0 讚好
0 留言
呢個真係驚喜之作，係超水準嘅咖哩軟殼蟹!咖哩椰香撲鼻，用蒜茸包點咖哩汁嚟食，簡直絶配!軟殼蟹足足有3隻，食極都未食晒!份量多之餘，我從未食過一隻軟殻蟹係如此肥美，我唔小心跌咗半隻蟹身落碗，佢d蟹肉係會跌晒出嚟，d蟹肉仲要係粉紅色!(我咬得太肉酸冇影到相)
12 瀏覽
0 讚好
0 留言
9 瀏覽
0 讚好
0 留言
豬牛雞各兩串，味道係可以嘅，但食得出唔係明火炭燒，泰味欠奉。
7 瀏覽
0 讚好
0 留言
喺我心目中大頭蝦只係得個頭大同好多蝦羔，從來都唔知大頭蝦個身都可以有咁長，長過我隻手指公!蝦肉厚肉，面頭鋪上綠色嘅香草蒜茸，淡淡嘅調味可以食到蝦嘅鮮味!
8 瀏覽
0 讚好
0 留言
14 瀏覽
0 讚好
0 留言
隻蝦大隻到連鉗都有肉，不過我都係貪得意食咗少少，因為有隻鉗仲係藍色未熟同埋唔好味㗎!
5 瀏覽
0 讚好
0 留言
張貼
