新泰東南亞餐廳 (興旺閣)

營業中

休息中

好耐冇食泰國嘢啦，因為要多啲人先可以叫多幾個餸，所以一直未食，今日終於同朋友食到啦！泰式生蝦🦐食泰國嘢點可以唔叫泰式生蝦，蝦肉爽口配埋辣汁，非常惹味！😋沙嗲串燒🐤🐮🐷黎到已經嗅到陣陣沙嗲味，好香，好惹味。雞牛豬各2串，可以滿足食肉獸嘅慾望，雞肉重燒得好嫩😆冬陰公🦐3個人食唔到咁多，所以叫咗一碗細，唔算好辣，但酸酸地，好開胃。馬沙拉咖喱🐤加印度酥餅好香咖喱味，啱哂食唔到辣嘅人，用埋印度酥餅點咖喱，吸哂啲精華！泰式生菜包🐷肉碎辣辣地，重香茅味，非常惹味！一邊包，一邊比朋友搶黎食。🙈泰式炸蝦餅🍤蝦餅肉質彈牙，炸得好香口。馬拉盞通菜🥬食咗咁多肉，緊係食吓菜啦！炒得幾惹味，送飯一流！芒果糯米飯🍋香甜軟熟嘅糯米，配上香濃椰漿同甜甜酸酸嘅芒果，好夾！仲叫咗菠蘿沙冰同椰青飲，夏日熱辣辣，非常清甜涼爽。