新泰東南亞餐廳 (已結業)

環境5分：西餐廳格局，環境好有泰國地道風味，好有特色。全層好大，Ｄ位夠闊，又冇話密密麻麻，坐得舒服，可以畀五分。衛生5分：環境地方，D枱枱櫈櫈，餐具好乾淨，一樣五分。服務5分： 我地飲水快，服務員好吻合地都加得快，落單爽手，唔囉唆，滿分。味道5分：1)      個炭燒豬頸肉已經切好一片片，Ｄ肉好爽好脆，香口又夠汁。2)      日本南瓜焗海鮮飯，用原隻日本南瓜焗，一上枱已經聞到Ｄ椰香味。同埋Ｄ海鮮同飯爆曬咁出現，個日本南瓜爭Ｄ裝唔曬。海鮮主要有青口蝦同魷魚，Ｄ飯焗到好香。3)      泰式炒椰菜仔，椰菜仔出面比較少食到，所以就嗌嚟試下，一個個細圓形切開一半咁上枱，都幾爽口，一定係健康之選。抵食5分：三舊水食個飽肚泰式晚餐，有菜有肉有海鮮同飯，絕對抵食！