影片
更多
2017-01-10
777 瀏覽
新一年，又喺同啲食友聚一聚嘅時候，幾位老友嚟過Les Saveurs食晏，知道佢哋啲質素甚高。晚市就未到訪過，就一於嚐嚐佢哋晚市嘅手勢，兼友情共聚法菜夜。講到食法國菜，小弟經驗唔多，但知道法國菜用料夠精選，烹調如藝術，可讓人有發人深省嘅感覺，所以，落足力慢慢細嚐箇中真味。既然餐廳名字帶有Private Kitchen，當然有別一般法國菜餐廳。先講環境，以私隱度為賣點，整間餐廳間開為多組房間，絕對唔怕受其他客人騷擾。再者，房間佈置簡潔而幽雅，又不失氣氛，更可以遠眺維港夜景，睇煙花一流，但就相信定價更高。食物選擇，主打一個7道菜嘅晚餐，餐前小點、3個前菜、1道湯品、主菜3揀1，再加1份甜點，定價$788，另收加一服務費，主菜揀牛肉需另補$88。當然以普羅大眾食餐飯近成千銀，絕對喺唔便宜嘅一餐，但以一餐高質素嘅法國菜而言，應該喺物有所值。French Bread人齊又未正式上菜，最好食啲麵包嚟打發吓時間，以小木盒盛咗嘅都喺法式麵包：牛角酥、百吉包，前者酥香富牛油味，後者外脆內軟，搽點自家製軟滑嘅牛油，感覺已好唔錯。L'Amuse Bouche小巧細細杯嘅餐前小點究竟喺乜，侍應話會次次都唔同，
既然餐廳名字帶有Private Kitchen，當然有別一般法國菜餐廳。先講環境，以私隱度為賣點，整間餐廳間開為多組房間，絕對唔怕受其他客人騷擾。再者，房間佈置簡潔而幽雅，又不失氣氛，更可以遠眺維港夜景，睇煙花一流，但就相信定價更高。
食物選擇，主打一個7道菜嘅晚餐，餐前小點、3個前菜、1道湯品、主菜3揀1，再加1份甜點，定價$788，另收加一服務費，主菜揀牛肉需另補$88。當然以普羅大眾食餐飯近成千銀，絕對喺唔便宜嘅一餐，但以一餐高質素嘅法國菜而言，應該喺物有所值。
French Bread人齊又未正式上菜，最好食啲麵包嚟打發吓時間，以小木盒盛咗嘅都喺法式麵包：牛角酥、百吉包，前者酥香富牛油味，後者外脆內軟，搽點自家製軟滑嘅牛油，感覺已好唔錯。
L'Amuse Bouche小巧細細杯嘅餐前小點究竟喺乜，侍應話會次次都唔同，而今晚嘅喺椰菜花忌廉配炸櫻花蝦、海膽及龍蝦油，單睇依個組合名單就覺得大廚好有心思，極期待，賣相又好精緻。椰菜花忌廉口感好柔滑，估唔到椰菜花味咁出，加埋啲海膽及龍蝦油，味道好融和，炸櫻花蝦帶出點點脆脆感好有驚喜。
L'Amuse Bouche
14 瀏覽
1 讚好
0 留言
上文都講過有3道前菜加一款湯品，單睇菜名，款款都好吸引，又富創意，全都喺叫人引徑以待嘅菜式。
Poached Blue Lobster第一道前菜就嚟道藍龍，都咪話唔落重本，但作為前菜，無理由俾隻龍蝦過你架，賣相唔喺震撼，卻精緻漂亮。主題龍蝦肉配牛油果、松露片，都喺精貴嘅食材，藍龍好爽，味道夾而多層次；棗紅色口嘅喺鰲蝦啫喱，暖暖哋，好蝦味，感覺好得意；伴碟嘅生菜沾沾奶黃色嘅檸檬乳酪醬，都可以講喺有神來之筆嘅感覺。
Poached Blue Lobster
12 瀏覽
1 讚好
0 留言
Fresh Smoked Salmon第二道前菜，以玻璃蓋冚住，玻璃內瀰漫嘅煙霧為大家賣少少關子，侍應話需要等兩分鐘先可揭盅，喺要讓煙燻嘅效果突出啲，而一打開，煙燻三文配黑魚籽華麗登場。睇菜名知道三文魚喺以42°C慢煮，所以，三文色澤鮮明油潤，柔滑到不得了，頗有煙燻香，加上黑魚籽，集鹹香鮮；所配嘅醬汁喺紅菜頭蓉及以分子啫喱去處理嘅蘋果辣根汁，前者好有紅菜頭味，後者出奇咁清新喎。
Fresh Smoked Salmon
16 瀏覽
1 讚好
0 留言
Fresh Smoked Salmon
19 瀏覽
1 讚好
0 留言
食咗個小食加兩道前菜，喺時候飲個湯，是晚嘅餐湯喺西洋菜，但西式做法就肯定喺第一次試，大廚都真喺有膽色搵西洋菜做西湯，仲鬼馬到以茶壺嚟倒出墨綠色嘅餐湯。估唔到西洋菜做西湯都掂喎，打得好溶，又隔渣隔得清，所以，質感非常滑溜，西洋菜味強勁。倒完湯，第一時間要食喺嗰兩片脆餅，因為仲喺脆口，且富牛油香；而黑毛豬火腿鹹鹹香香，象拔蚌仔柔韌有咬口，整個湯都滿有驚喜！
Cream of Watercress Soup
14 瀏覽
1 讚好
0 留言
以餐湯潤一潤個喉嚨，接住就上第三道前菜，以為喺普普通通嘅一道煎鵝肝，卻喺繼續一道精彩接另一道精彩，而精彩在於啲細節位。鵝肝大件厚切，口感好嫩滑，外層帶點焦脆，又甘香，加咗椰子酒煮，有點點椰子味，仲伴啲香脆炸椰子片及甜甜酸酸嘅焦糖化菠蘿，令食味唔單一，而鵝肝上有啲分子葡萄醋珠珠，微微酸，有中和鵝肝油膩之效。
Poached and Pan Fried Foie Gras with Malibu
11 瀏覽
1 讚好
0 留言
Yuzu Sorbet過場嘅小清新就喺一小羹柚子雪葩，好強勁柚子味，帶有少少柚子皮，酸酸甜甜好清爽。
嚐過雪葩，等無耐就輪到主菜，是晚嘅主菜共有3款，包括豬頸肉拼豬頰肉、美國頂級肉眼及是日精選魚鮮。
Sous Vide Iberico Pork Collar, Braised Pork Cheek延續法國菜講求賣相精細，一道豬頸肉拼豬頰肉同樣做得細緻，採用西班牙黑毛豬火腿已經喺質素嘅保證，前者以香煎處理，超脆口，又有肉香，襯個芥辣忌廉汁，正呀；後者則以炆燉方式處理，既腍又鬆化。伴菜亦唔喺大路貨色嘅喺薯菜，當中嘅紫薯蓉做得好幼滑。
Sous Vide Iberico Pork Collar, Braised Pork Cheek
23 瀏覽
1 讚好
0 留言
Prime USDA Ribeye見到「肉眼」，不其然就會諗住成件扒咁款，法國菜又點會做得咁粗，再者，之前已經嚐過多道前菜，依家個份量就啱啱好。賣相跟上面個豬頸肉有幾分相似，不過，經過炭燻加慢烤，再煎到五乘熟，色澤嫩紅，落刀嗰下已知好軟腍，入口肉質果真好柔嫩，外層有炭火香味。依碟嘅伴菜同樣有啲精彩位，椰菜花三重湊，椰菜花做出3種唔同口感，原粒烤蒜燒到化透，好香軟。
Prime USDA Ribeye
19 瀏覽
1 讚好
0 留言
Fish of the Day侍應每上一道菜，都有詳細介紹，而是日魚鮮就喺嚟自日本嘅金鯛魚，亦喺店中嘅招牌菜之一，半煎炸方式令金鯛魚嘅魚鱗泛起，令賣相別樹一格，入口亦脆卜卜，至於魚肉，鮮嫩至極，佐以龍蝦泡沫，怪唔之得友人超讚！
Fish of the Day
19 瀏覽
1 讚好
0 留言
最後一道經典法式甜品綠茶千層酥登場，可以講喺完美作結，千層酥酥脆富牛油香，而中間嘅綠茶慕絲，綠茶味突出，甘苦而柔滑。雖然餐牌寫住柑橘沙律及雪葩，但依家改為鮮什莓及雲呢嗱雪糕，一樣唔錯，尤其啲雪糕睇到粒粒香雲呢嗱籽，雲呢嗱味嚟得天然芳香。
或者食晚餐你會覺得花費貴，尤其女生又可能怕食唔晒，所以，不妨星期六、日嚟食個高質素嘅法式午餐，3道菜$198 + 10%，4道菜$238 + 10%，小弟覺得絕對超值。
張貼
