幸屋

營業中

休息中

今日一起身就勁想食拉麵，上網搵到呢間幸屋都幾多好評，位於灣仔機利臣街，一於試下先。晚飯時間接近全場滿座，都幾多捧場客，好期待!值得一讚係兩位店員親切有禮，尤其姨姨見我地一袋二袋，主動比多張櫈我地擺野，好細心。鹿兒島赤雞沾麵雞胸肉經慢煮後更鮮嫩滑溜，有效鎖住肉汁，啖啖肉勁juicy!食落雞味濃厚且脂肪少。沾麵汁味道濃厚夠哂惹味，無論鹹度、濃度都控制得剛好。彈牙麵條掛湯力十足；溏心蛋滑嫩好有蛋香~特濃味噌廣島蠔沾麵沾麵湯好重蠔味，用料十足，三大隻廣島蠔鮮甜滑溜，粗身麵底充滿小麥香，咬落煙韌彈牙。配料都相當豐富，有齊紫菜、溏心蛋、木耳等，黄澄澄溏心蛋軟Q濃稠!和風餃子面層冰花勁酥脆，餃子煎至金黃脆卜卜，外皮煙韌，皮薄多汁。配埋日式燒汁、木魚碎等配料勁惹味。蟹籽沙律即叫即做沙律好新鮮，大大碟青瓜絲爽脆有咬口，配埋彈牙蟹籽、蟹柳，好正。