影片
更多
2021-08-13
63 瀏覽
以前港島番工就成日會黎灣仔附近食lunch，轉左去九龍番工之後真係少左好多黎，特登收工過海黎搵下失落左嘅味道。以前黎幸屋，一直都係食拉麵，完全唔知有沾麵食。重口味朋友當然就心思思想試下佢個沾麵有幾重口味啦，仲要有唔係魚介湯而有味噌湯底嘅，應該幾合口味嘅。佢張落單紙有少少令我誤會左，以為廣島蠔沾麵都會有叉燒，點知原來只有廣島蠔。無損雅興，廣島蠔都係好野黎嘅！沾麵湯底係香口，我無揀到最濃嘅選擇，已經夠晒香濃。味噌味無我想像中咁突出，佢係有少少淡淡地滲入魚介湯咁樣嘅，呢個混合味道係幾好。另外真係要一讚兩位店員，全間鋪廿幾個人，仲要理埋幾個外賣平台甚至walk in走黎買外賣嘅客人，好似千手觀音咁樣，辛苦晒！
以前黎幸屋，一直都係食拉麵，完全唔知有沾麵食。重口味朋友當然就心思思想試下佢個沾麵有幾重口味啦，仲要有唔係魚介湯而有味噌湯底嘅，應該幾合口味嘅。
佢張落單紙有少少令我誤會左，以為廣島蠔沾麵都會有叉燒，點知原來只有廣島蠔。無損雅興，廣島蠔都係好野黎嘅！沾麵湯底係香口，我無揀到最濃嘅選擇，已經夠晒香濃。味噌味無我想像中咁突出，佢係有少少淡淡地滲入魚介湯咁樣嘅，呢個混合味道係幾好。
另外真係要一讚兩位店員，全間鋪廿幾個人，仲要理埋幾個外賣平台甚至walk in走黎買外賣嘅客人，好似千手觀音咁樣，辛苦晒！
張貼
