影片
更多
2023-04-16
1733 瀏覽
身邊有個姜糖朋友，有次同佢食早餐，就被帶到呢間茶記追下星同歎翻個早餐🤣-一入到去就發現係間好地道既舊式茶餐廳，完全有以前香港既味道。無論係啲枱櫈同裝修，地下既磚既花紋都好有歷史。我地叫左一個兩餸麵同蛋牛治，加上個茶記必試既奶茶。-1. 雞翼沙嗲牛麵8.5/10-雞翼係有炸過既，咬落幾乾身同脆，帶出到個香味，分碟上係加分位。沙嗲牛麵不得不讚，個醬幾濃，而且食得出有落花生醬炒過，炒得幾香。牛肉量唔少，都稱得上滿足。個麵唔會過冧過硬。總括而言值得一試。-2. 蛋牛治8/10-首先要講既係幾足料，蛋炒到半熟，食落更有蛋味同口感更豐富。鹹牛肉選材唔錯，咬落有完整牛肉粒既口感，加上有少量肥牛肉，食落更香，令人停唔到一啖接一啖。兩者比例岩岩好，帶得出個香味同時唔會過鹹。-3. 茶記必試既熱奶茶8/10-第一啖taste到係夠滑既，飲落去既口感都夠厚，奶味亦都足夠，明顯奶既比例合適。與此同時杯奶茶唔會淨係得奶味，亦都有足夠同係中後段慢慢滲出來既茶味。稍微有少少澀味，但杯奶茶整體而言係好唔錯，係我飲過既奶茶入面可以頭五。-總括而言質素好唔錯🤣我本人又好獨鐘香港舊式既味道，所以呢間茶記帶比我既體驗唔錯，回
-
一入到去就發現係間好地道既舊式茶餐廳，完全有以前香港既味道。無論係啲枱櫈同裝修，地下既磚既花紋都好有歷史。我地叫左一個兩餸麵同蛋牛治，加上個茶記必試既奶茶。
-
1. 雞翼沙嗲牛麵
8.5/10
-
雞翼係有炸過既，咬落幾乾身同脆，帶出到個香味，分碟上係加分位。沙嗲牛麵不得不讚，個醬幾濃，而且食得出有落花生醬炒過，炒得幾香。牛肉量唔少，都稱得上滿足。個麵唔會過冧過硬。總括而言值得一試。
-
2. 蛋牛治
8/10
-
首先要講既係幾足料，蛋炒到半熟，食落更有蛋味同口感更豐富。鹹牛肉選材唔錯，咬落有完整牛肉粒既口感，加上有少量肥牛肉，食落更香，令人停唔到一啖接一啖。兩者比例岩岩好，帶得出個香味同時唔會過鹹。
-
3. 茶記必試既熱奶茶
8/10
-
第一啖taste到係夠滑既，飲落去既口感都夠厚，奶味亦都足夠，明顯奶既比例合適。與此同時杯奶茶唔會淨係得奶味，亦都有足夠同係中後段慢慢滲出來既茶味。稍微有少少澀味，但杯奶茶整體而言係好唔錯，係我飲過既奶茶入面可以頭五。
-
總括而言質素好唔錯🤣我本人又好獨鐘香港舊式既味道，所以呢間茶記帶比我既體驗唔錯，回頭指數10/10。
張貼
