影片
更多
2016-01-18
1343 瀏覽
還記得小時候屋企人帶過我去食呢間拉麵店，當時年紀太細，都唔知咩係拉麵。阿媽衣家都不時提起，係家姐岩岩出黎打工請食飯…當時間野仲應該係開左無耐，等位仲等左好耐…果陣時小弟我可能仲讀梗小學！之後都無記住呢間野。到大左，自己出黎做野，先再有機會食返，都講梗好多年前，都係大排長龍，假日等30分鐘算係快…多次幫襯、次次都等，有好多次太多人，都放棄左…近日係 Openrice睇，原來間野1987年開…咁我第一次幫襯都起碼25年前…真係排隊排足咁多年！今次幫襯在平日Lunch，都係排…不過約20分鐘入到，算係咁！店舖地方唔大，但人就多…坐低都係貼住後面個背脊食，食得唔舒服…無計！可能太多拉麵店關係，餐牌多左少少新花款，今次就試左魚豚骨拉麵，係豬骨同鰹魚湯底…叉燒一塊過…等左一陣，見有人吹單…待應回答到，排梗隊，好多人未有得食…咁我就攞部Tab睇左場戲…一睇錶，已經等左30mins…….雖則慢工出細貨，但真係有少少火，心諗幾好食都無用，最終小弟果碗等左35mins先有得食。但係碗麵一到，都真係流晒口水。香氣撲鼻兼且飢寒交迫，登時食指大動。溫泉蛋照樣流心…木耳爽脆…正！拉麵還是一樣的煙韌…但係呢D都唔係
到大左，自己出黎做野，先再有機會食返，都講梗好多年前，都係大排長龍，假日等30分鐘算係快…多次幫襯、次次都等，有好多次太多人，都放棄左…近日係 Openrice睇，原來間野1987年開…咁我第一次幫襯都起碼25年前…真係排隊排足咁多年！
今次幫襯在平日Lunch，都係排…不過約20分鐘入到，算係咁！
店舖地方唔大，但人就多…坐低都係貼住後面個背脊食，食得唔舒服…無計！可能太多拉麵店關係，餐牌多左少少新花款，今次就試左魚豚骨拉麵，係豬骨同鰹魚湯底…叉燒一塊過…
等左一陣，見有人吹單…待應回答到，排梗隊，好多人未有得食…咁我就攞部Tab睇左場戲…一睇錶，已經等左30mins…….雖則慢工出細貨，但真係有少少火，心諗幾好食都無用，最終小弟果碗等左35mins先有得食。但係碗麵一到，都真係流晒口水。香氣撲鼻兼且飢寒交迫，登時食指大動。
魚豚骨拉麵
32 瀏覽
0 讚好
0 留言
31 瀏覽
0 讚好
0 留言
呷一口湯…同之前食開既豬骨濃湯大不同，入口既係極濃郁既鰹魚味，濃郁程度接近苦澀邊緣，但極度刺激…豬骨幾乎只有提供湯底的稠度，味道近乎零，但都係好享受呢個濃烈既味道！
一片諗住唔夠皮，但係一夾起…係比出面拉麵店為厚身既叉燒，而且長度有隻碗咁長，叉燒唔算肥但又唔鞋口，面頭用火槍燒香左，正。係我食過拉麵店叉燒中，味道及份量最為滿意，平時出去食要額外加叉燒…呢個真係夠皮。
食到呢度，所有既等待都係值得既…真係好想再去，但係好怕排隊呢！
印象中，香港都應該無咩舖頭可以咁誇張，香港人愛試新野，排得一年半載已經好勁下，呢間開業開始排，一排排左差不多30年…環顧拉麵係香港大行其道，競爭激烈，排完豚王排一蘭，但係都係一年半載就唔洗點排。但係橫綱人人照排，風雨不改，有冇實力，可想而知！
張貼
