村爺爺車仔麵 (已搬遷) 新店位置

尋日下午兩點幾專程冒住雨去搵呢間鋪試下呢個幾特別既龍蝦車仔麵，一入到去就聞到好大陣食完龍蝦未清理果種腥味，算，既然專程黎試，我坐門口博無咁腥。拎起點菜紙睇，龍蝦車仔麵又硬食要點多兩個菜，如此一來呢個餐真係唔算便宜，不過都算，照點，還掂都係食。點完交左俾侍應，侍應都望過張點菜紙睇過無問題至走，咁我就滿心歡喜等食，點知過左兩、三分鐘，個至侍應返黎話無龍蝦食，咁即係叫我即時走人啫，同埋，無龍蝦點解唔早講呢？。呢間鋪以龍蝦作招來，但下午兩點幾已經話無，咁招牌真係枉叫「龍蝦車仔麵」。