影片
更多
2010-12-12
74 瀏覽
踏入冬季，下星期仲話九度，大家要小心身體呀﹗介紹幾次都係打邊爐，今次都唔例外，竟然仲俾我同食家食到好野﹗地點在沙田瀝源﹗在沙田街市直行就係了﹗相信唔少朋友都來過﹗店名是盛記麵家，網上店名是盛記盆菜﹗以盆菜出名，不過現場所見就唔多覺有人食盆菜，多以小炒及煲仔飯為主﹗我地兩個就一心來打邊爐﹗地點在舊式公屋的天井地庫，格局陳舊，但老闆們用盡心思費心的粉飾一番﹗到處可見油畫及奇特的佈置﹗就我所見不少仲係廢物利用﹗雖然睇落有點不倫不類，不過這也吸引了不少目光，我同食家都周圍睇周圍望，不得不佩服這兒老闆們的心血﹗能把平凡變得不平凡﹗始於一九五六年，幾十年也屹立於沙田區，可見其功力﹗看得出來老街坊相眾的地方，處處可見到精妙的相片及金句﹗先至聲明，要來打邊爐一定要下午一兩點就打定電話來BOOK位﹗留合時老闆會好貼心的問你今晚想食什麼，大家講個信字﹗之後師傅會親自到街市買餸，始終老店，地點不算十分就腳，入貨自然少。就現場所見，打邊爐的人客少，所以你無端端走來，未必有野俾你食﹗芫茜皮蛋鍋，芫茜下得夠多滿滿的，落料不手軟﹗醬料自己加，不另外收費，任君選擇﹗我最愛當然係蒜啦﹗手打蟹籽墨魚丸﹗粒粒飽滿﹗蟹籽下得
介紹幾次都係打邊爐，今次都唔例外，竟然仲俾我同食家食到好野﹗
地點在沙田瀝源﹗
在沙田街市直行就係了﹗相信唔少朋友都來過﹗
店名是盛記麵家，網上店名是盛記盆菜﹗
以盆菜出名，不過現場所見就唔多覺有人食盆菜，多以小炒及煲仔飯為主﹗
我地兩個就一心來打邊爐﹗
地點在舊式公屋的天井地庫，格局陳舊，但老闆們用盡心思費心的粉飾一番﹗
到處可見油畫及奇特的佈置﹗就我所見不少仲係廢物利用﹗
雖然睇落有點不倫不類，不過這也吸引了不少目光，我同食家都周圍睇周圍望，不得不佩服這兒老闆們的心血﹗能把平凡變得不平凡﹗
始於一九五六年，幾十年也屹立於沙田區，可見其功力﹗
看得出來老街坊相眾的地方，處處可見到精妙的相片及金句﹗
先至聲明，要來打邊爐一定要下午一兩點就打定電話來BOOK位﹗
留合時老闆會好貼心的問你今晚想食什麼，大家講個信字﹗
之後師傅會親自到街市買餸，始終老店，地點不算十分就腳，入貨自然少。
就現場所見，打邊爐的人客少，所以你無端端走來，未必有野俾你食﹗
芫茜皮蛋鍋，芫茜下得夠多滿滿的，落料不手軟﹗
醬料自己加，不另外收費，任君選擇﹗
我最愛當然係蒜啦﹗
手打蟹籽墨魚丸﹗
粒粒飽滿﹗蟹籽下得足﹗
真材實料，墨魚打得夠膠，彈牙又煙韌，濃濃的墨魚香伴以脆口的蟹籽，超正﹗
一百分﹗
獅威最抵飲﹗十蚊枝，當然唔會錯過﹗
新鮮海蝦，老闆娘話岩岩在沙田街市買番來的，來料全部都係新鮮貨，不靚不入﹗
隻隻仲郁架，唔係講笑﹗$68﹗
夠哂大隻，成個碗咁長﹗
肉身實淨爽脆而鮮甜，食家食到係咁讚好﹗再來一個一百分﹗
話說來到岩岩坐低，老闆娘就問我地想食咩，我地話想食蟶子，佢竟然親身走去沙田街市買俾我地﹗
四隻大蟶子王﹗$120﹗
街市買番o黎新鮮即劏，新鮮不在話下，味道是海水那份清甜，再加上蟶子的鮮味，好鬼正呀﹗
大手切肥牛，老闆話下午在九龍城入貨的﹗
雪花紋理細緻，肉色殷紅，一睇就知正野﹗
件件厚切架﹗睇見都想食﹗
嘩﹗真係超鮮味﹗
牛味濃郁軟熟，脂香豐腴而濃烈，我與食家也敢說這牛肉是沙田大圍區最好吃的﹗
真的估不到這塵封小店可以入到如此美妙的手切牛肉﹗
兩個人就係食呢幾個餸，一路食一路讚，為什麼住了沙田那麼多年都未曾相遇？
當然最後來個菜，新鮮爽脆﹗
所有待應們服務都相當貼心，經常埋黎問你意見，多謝你今天的惠顧，熱誠殷勤波有手軟，又問我地點解會識來呢度，抵讚，服務五星級﹗﹗
放心啦老闆，我地以後一想到要打邊爐，一定會來盛記的﹗仲會再帶多0的朋友來添﹗食家仲話過兩日來吃煲仔飯添﹗
埋單$400唔洗，抵食，來這兒打邊爐沒有菜牌的，你問老闆有咩靚野佢就會話你知，我地都無問過幾多錢，最緊要是新鮮靚的便是了﹗
最近迷上angry bird，岩岩聖誕版已過埋12號的了，你地有冇玩呢？
更多相:
http://hk.myblog.yahoo.com/smallsmalllin/article?mid=22726
我的無聊微博:
http://t.sina.com.cn/smallsmalllin
張貼
