148
35
6
港鐵沙田站 A3 出口, 步行約8分鐘 繼續閱讀
電話號碼
26926611
開飯介紹
裝修佈局混合文青和大排檔風格的小店,日間為茶餐廳及麵店,晚上為火鍋店,另售盆菜。 繼續閱讀
特色
適合大夥人
營業時間
今日營業
06:00 - 16:00
18:00 - 23:00
星期一至日
06:00 - 16:00
18:00 - 23:00
付款方式
Visa AlipayHK 支付寶 現金
座位數目
120
其他資料
網上訂座
自帶酒水 詳細介紹
泊車 詳細介紹
電話訂座
賞訂座積分
室外座位
電視播放
當面支付
有關獎賞計劃
食評 (222)
等級6 2020-01-05
5115 瀏覽
"食麵好比生命的幻變" ,呢一首歌詞填到奇奇怪怪的兒歌,看似沒有意思,但細心地多思考一層,原來 "麵" 係飲食界上,是一個很專業,很有高深學問的一門。一碗廣東式既雲吞麵、牛腩麵,小小的一碗麵當中,可以有許多許多的感情同故事。這一天,有半天的假期,我為了一碗麵而專程來到沙田瀝源邨《盛記麵家》,感受一下 "麵" 的故事。這一間默默耕耘闖出了名堂的麵店,以家庭式的經營經歷了兩代人。縱使這一個瀝源邨熟食中心早已經十室九空,這《盛記麵家》反而把這一個飲食場越做越旺。更甚的,因為成個熟食中心只剩下他們了,店主好有心思地,把整個場地變成一個帶點文青,帶點環保L,亦帶點工業風的空間。中午的《盛記麵家》,不單只有麵食,另有套餐、碟頭飯。不過,首次來的我,當然要叫碗招牌的麵食才像話啦。當日,來了一碗牛腩雲吞麵。粗麵,湯底有腩汁,牛腩肉連筋非常之香口。把充滿了牛腩味的麵同雲吞吃入口,當咬開雲吞時,大地魚的香味竟然可以在腩汁中突圍而出。這一份滿足感,絕對是要用彈起這一個方法來表示的。(當然,我冇 physically 咁做。)慣常,我喜歡熱奶茶。但原來此店不供應熱飲。雖是這樣,他們有凍奶茶供應。凍奶茶的甜,他們落得剛好,奶味充足,茶味又濃,入口有茶香加 creamy,雖未算完美,但已經是十分之可口。眾所周知,《盛記麵家》的另一面是《盛記盆菜》。在牆上看見他們宣傳盆菜的單張,睇落又幾吸引的,而且還有素盆菜,在過時過節的日子,大可以試下元朗以外的盆菜口味啊。屋邨的一碗麵,默默耕耘的一碗麵,在這一個說隱世而又人人知的地方闖出了自己的一個小天地。人情味豐富的麵店,值得大家多去支持。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-31
0 瀏覽
This place is highly recommended for experiencing the Hong Kong style hotpot. It is very authentic yet clean and air-conditioned - so you won’t have to sweat whilst having hot pot in the hot summer. Wonderful hotpot with fresh meat and handmade dumplings🥟🍲🥓 There are lots of special choices for the soup base. Love the vibes and also the kind and friendly staff serving us💛 A great place for a large group of friends to gather! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-31
0 瀏覽
地方: 位置較偏,係瀝源邨熟食市場內,唔熟路要花啲時間搵。環境: 佈置好特別,有唔同嘅懷舊裝置。普通熟食市場坐位,不過有冷氣,亦坐得好舒服。湯底: 湯底好多選擇,由清湯麻辣藥材醉雞雪梨等等都應有盡有,一開始揀湯底都已經有選擇困難。七個人叫左個蕃茄粟米牛腩拼四川麻辣鴛鴦湯底,湯底本身已經有好多料,辣湯乜都有啲豆卜芽菜豬紅粉腸豬肚豬皮,感覺唔會太油食落好順好香。蕃茄粟米牛腩睇個名都知有咩,而湯底都好甜唔似味精。食物: 選擇又係超多,樣樣都好大份又新鮮。我地叫左手切牛肉 中山脆肉腩 黃喉 炸脆響鈴 牛丸 雞件 蝦滑 墨魚滑 腐皮 竹笙 豬肚拼粉腸 炸魚皮 芽菜 水魷 黑豚片 魚皮餃 桶蠔 生菜 娃娃菜 油麥菜 豆卜 豬皮,大份足料好新鮮好好食真係好味。飲品: 我地叫左4支啤酒,另外再加一人一支汽水。其他: 調味醬料要16蚊,服務幾好,會不停主動加湯加水,上料好快。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-27
0 瀏覽
唔係純粹街坊舖咁簡單,盛記嘅熱愛社區關懷弱勢嘅行動深得大家支持。限聚令稍寬至8人,大家一齊走入沙田走轉盛記支持本地消費。打邊爐食物整體新鮮,是晚點了兩次美國肥牛,都是肉質腍滑,脆肉鯇新鮮爽脆,久違了的豬紅和鵝腸很受大家歡迎.....我推介炸魚皮、響鈴、老友鬼鬼,都新鮮炸起沒有油膩感。重點項目一定是海鮮,是晚的花蟹絕對新鮮,肉質結實鮮甜,超讚。整晚唯一的少瑕疵就蝦丸肉質鬆散不彈牙,期待下次嘅改善進步。支持我哋會再嚟幫襯㗎。 繼續閱讀
(以上食評乃用戶個人意見 , 並不代表OpenRice之觀點。)
盛記因為疫情導致生意大減而告急,嚴重到無錢交租呀!身為沙田友嘅我表示呢間抵食好味又富有人情味嘅老店真係唔可以執笠!原因係無論午市嘅粉麵飯還是晚市嘅邊爐,都可以用兩隻字形容:出色!首先午市選擇除咗招牌嘅現包雲吞魚蛋粉麵之外,佢哋仲有各種飯餐,原條鯧魚跟白飯清菜汽水都係40幾蚊…識唔識做生意嫁?至於晚市邊爐唔敢講好平,但靚同正一定有份,特別係佢哋嘅手切肥牛、響鈴仲有食過最香甜嘅蟶子皇!而且湯底選擇眾多之餘仲要勁多料。老細B哥仲要額外醒幾粒現包雲吞過我哋嘆,蝕本嫁B哥!裝修擺設充滿文青氣息,販賣嘅卻係港式情懷美食同濃濃嘅人情味,喺香港真係已經買少見少,請大家課金支持! 繼續閱讀
(以上食評乃用戶個人意見 , 並不代表OpenRice之觀點。)