113
28
6
港鐵沙田站 A1 出口, 步行約11分鐘 繼續閱讀
電話號碼
26926611
開飯介紹
日間為茶餐廳及麵店,晚上為火鍋店,另售盆菜,需預訂。 繼續閱讀
特色
適合大夥人
營業時間
今日營業
06:00-16:00
18:00-23:00
星期一至日
06:00-16:00
18:00-23:00
付款方式
現金
座位數目
120
其他資料
網上訂座
自帶酒水 詳細介紹
泊車 詳細介紹
電話訂座
賞訂座積分
室外座位
電視播放
有關獎賞計劃
食評 (159)
盛記有隻貓 焦點食評
等級4 2017-06-13
4256 瀏覽
不知怎的,之前就有冰室、茶餐廳的狂熱,近來就是牛腩麵、牛雜麵、油渣麵的狂熱。瀝源邨這一間麵店,晚上應該是火鍋店,但是食評大都針對此店火鍋,今天路過沙田,經常說沙田只有新城市廣場的連鎖店,毫無特色,於是便來了瀝源邨這間麵店。尤如文青光顧的麵店,很多擺設、舊式收藏品,後來還發現枱底有一隻貓咪仔,在枱底之間不停穿梭,還會喵喵的叫,非常治癒,叫聲動人。牛腩麵也只是一般,因為牛腩不夠肥,定還是吃過元朗的朱兆記、以及大埔群記,之後都很難再吃到稱心滿意的牛腩麵了。盛記牛腩麵比較瘦,雖然湯底還算濃郁,但是牛腩作為主角, 這麼瘦,吃得客人滿口痴牙,難以感到歡喜。三寶,有人比較喜歡。豬皮本人向來都感覺一般,這兒的豬皮挺爽彈,豬紅不太結實,蘿蔔更加差,他們吃得門口蘿蔔咋,這個三寶不太令人滿意。凍檸茶的味道還好,不知天氣太熱,還是本身冰粒太少,吃完麵條之後,冰粒已經全部溶掉,以致凍檸茶不太冷,但是茶味還算濃郁,檸檬新鮮,這杯飲品也是炎夏的小確幸。牛雜麵參考圖片。 繼續閱讀
(以上食評乃用戶個人意見 , 並不代表OpenRice之觀點。)
圍爐取暖團年局 焦點食評
等級4 2017-01-28
9578 瀏覽
估不到,今年我在開飯網第一篇食評,要到大年初一才發表,藉此祝大家新年快樂,身體健康,日日有食神。這次與圍內部落客朋友的團年局,說起上來有點即慶,就在我日前在Facebook發牢騷,C小姐見狀,說不如約打邊爐?最終,六人成團,來到我最喜愛的火鍋店,沙田瀝源邨盛記。上次來已經是前年八月,由我主理的窮L飯局,一開五圍,好不熱鬧。今次人少少,與美女朋友同桌,還是不容有失,剛才下班跑了數公里,回家後沖涼更衣,最終因交通有點狀況而遲到,真的不好意思。一來到,赫見湯底與配料剛上桌。C小姐說:(你嚟得真合時。)蘋果雪耳豬軟骨湯,沒有沙嗲鍋,麻辣鍋般邪惡,可說是另一清泉。雖然,打邊爐談不上健康可言,那些養生鍋只能減低一點罪惡感。淺嚐一口湯頭,果然有蘋果的香甜,平時我們不時一同受邀到不同地方試菜,高級如酒店也吃過不少,但是坐在一起圍爐取暖,卻是彼此覺得最舒服的時刻。我:(幾時都話,嚟呢啲地方最好,可以大大聲暢所欲言,毫無顧忌。)牛肉是不可少,手切鮮肥牛例牌水準高,金錢牛展亦然,盛記長期有如此高質的牛肉供應,全憑店主把關得力。炸腐皮卷同樣是必吃之物,略略在湯浸數秒,微脆的感覺從來令人著迷。豬肉眼筋爽脆可口,肉味濃。時間匆忙沒有買酒,索性這晚不喝酒,只叫了酸梅湯。誰不知,店主華哥拿了一瓶舊版黑牌威士忌過來。(南瓜,知你好呢味,請你飲,唔好客氣!)華哥拿著可能比我還老的黑牌,對我說。華哥,你真的太客氣了。舊版威士忌總有其魅力,待在瓶裡面數十年,本來的年少氣盛,變得和藹可親,我喝著帶有蔗糖,蜜糖,紙皮,與點點泥煤風味的舊黑牌,在美女前班門弄斧。後來追加了韭菜餃,蠔仔餃,手打蝦丸,鮮魚滑,大家吃得飽飽,蠔仔餃吃過多次,百吃不厭。最後,S先生點了薯粉,放在吸盡精華的湯頭內滾兩滾,是終極高潮。經濟實惠,物有所值,一向是盛記的特色,每人消費$253,捧著肚子,帶著微笑離開,更還了兩位美女,一嚐盛記的心願。下次再來的話,我要帶定一瓶靚威士忌,投桃報李。 繼續閱讀
(以上食評乃用戶個人意見 , 並不代表OpenRice之觀點。)
美術館火鍋 焦點食評
等級4 2016-12-03
9710 瀏覽
隊員調職,大家開心食餐飯歡送佢!呢度隊員推介!好似好難訂位!人氣食物亦最好一早訂位時訂定!準時到達!環境有驚喜!好似台式書店餐廳混合體,牆壁上又有啲現代藝術咁嘅裝飾,一啲都唔似火鍋店!店員招呼我哋坐一張大圓枱!坐得幾迫!點餐紙好多款式,自己揀再加店員提點!人齊就起菜!花雕醉雞鍋(半隻)($168)個鍋湯底好鮮!一滾起已經好香酒味,雞件另上!老闆教湯滾起就熄火落雞件,唔使蓋等8分鐘可以食,大家聽完都好多問號,唔蓋蓋浸熟啲雞?8分鐘後𢳂起啲雞,雞髀位都仲係粉紅色的,所以我哋開火滾多一分鐘,啲雞肉變淺啡先食,但都有啲拆開睇中央位仲係粉紅色架!有啲要再淥,所以都係穩陣啲好!講返味道,雞肉嫩滑,醃味唔重,加上少許藥材味,好味象拔蚌($788)原隻加拿大象拔蚌,擺盤靚,象拔蚌切片彈牙,好彈好鮮,內臟位置味道好濃(唔係腥)好味!手切肥牛(大)($396/2碟)預留兩碟,牛味重有咬口,好味鮮牛坑腩粒($108)有竹籤拮住淥,唔會搵唔番,呢個點子幾好,牛腩有筋位,有咬口彈牙,牛味濃!肥鵝腸($68)無食黑豚肉($65)薄片豬肉肥美好味!正!桂花蚌拼珊瑚蚌($98+$5)爽口彈牙手打蝦滑($78)好彈牙,又爽口,加上有卜卜脆蟹籽!好味!自製蠔仔餃($58)皮嫩滑,蠔仔大粒新鮮,第一次食用蠔仔包餃子!好味丸類三拼(蝦丸、墨汁丸、鮮牛丸)($65)食咗蝦丸,彈牙鮮味!好食丸餃類四拼(蠔仔餃、鮮蝦水餃、手打魚蛋、貢丸($70)食咗鮮蝦水餃,皮嫩滑,蝦仁爽口彈牙!手打鮮蝦丸($65)因為好味,再叫多碟,彈牙鮮味!好食盛記炸腐皮卷($44)招牌菜,平時唔食響釣嘅我都覺得鬆脆好味,無油溢味!要預留!好早無晒老友鬼鬼($88)油炸鬼炸得香脆,蝦膠唔多所以無乜口感,浸湯索晒啲湯,外面淋入面脆,好QQ!(又係要預留,我哋1830留起,1915已經聽到無晒!酥炸魚皮($38)魚皮鬆脆,好大塊!浸湯食,外淋內脆!好味!金菇($38)新鮮山根($38)波波全部完整!冰豆腐($45)無食野生竹笙($55)好爽口,又索湯!好新鮮!日式野菜籃($68)砌得好靚!皇帝菜爽嫩,生菜爽口,菇類新鮮!娃娃菜($38)切成1/4!新鮮爽脆雲耳($38)爽口彈牙!好鮮嫩!椒醬豉油($126/9人)配料款式雖然唔多!不過好新鮮!汽水($80)支裝汽水好味酸梅湯($144)自家製!隊員飲!負責我哋張枱嘅店員有禮,非常勤快,又加湯又上菜,落單比好多意見(唔係sell貴嘅食材)係教我哋點樣落單!未齊人時又幫我哋去留起啲人氣食物!好落力!雖然忙到癲都保持有禮!值得讚!爆場味道都唔會好大(當然正常嘅火鍋味會有)通風唔錯!廁所要去公廁!幸好乾淨企理! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-20
497 瀏覽
14-10-2017(Sat)傍晚,同老公成班friends唱完K後,就出發o黎 呢間良心食肆打邊爐,男友人IN之前已幫我o地book o左枱同預訂o左$788.00o既原隻象拔蚌刺身,然後就點o野食,我o地揀o左$98.00 o既雪梨鯊魚骨湯底,要$888.00 4-6人o既特惠套餐.咁o岩,只幫趁一次o既IN,個老闆認得佢,佢就好到送半打酸梅湯俾我o地,多謝老闆. 個酸梅湯好好味,酸甜度適中,而且好飲到停唔到口.雪梨鯊魚骨湯材料十足,鯊魚骨唔少,豬骨o既肉仍有咬口,正.然後我o地先食原隻象拔蚌刺身大大盤,連兩個罕有,食得o既內臟都冇拎走俾埋我o地,肉質鮮甜,左上角o個啲幾爽,而左下角o個個要淥熟至食得,由於冇切開,熟o左後就俾我老公食,我食一啲,內裡粉,有啲似生蠔,但完全冇鯹味.冰鎮番茄正,竟然一啲酸味都冇.(其實冇呢個餸,佢只係伴o係原隻象拔蚌刺身o既盆o度.)之後食套餐裡面o既o野,先食日式活鱆紅魚刺身(例),肉質煙韌新鮮,亦冇鯹味.然後正式食火鍋喇.另叫$44.00o既盛記炸腐皮卷大大舊又脆.唔見有手打鮮墨魚滑,唔知係咪改o左手打蝦滑(冇影到相),嚴格o黎講唔係蝦滑,因為佢o地特登留有啲蝦身冇打到.日本黑豚肉又係好好食,無論口感同味道都係.桂花蚌爽口彈牙肥鵝腸同樣爽口冇異味.粟米夠甜爽甜脆鯇魚片真係爽脆.炸魚角,韭菜餃,潮式魚皮餃,雜錦鮮菇拼盆,豆腐,時蔬呢啲全部都正正常常.我冇食到海中蝦同本地手切鮮肥牛.價錢:我o地都有叫兩個出前一丁($17.50 一包),一支$10.00o既汽水同多一支$18.00o既酸梅湯,椒醬豉油每位$14.00,埋單共$1,993.00,冇加一.由於有一個幼童,而且食得好少,所以價錢計7個人.服務:好好,講佢o地幫我o地影相,亞姐就使出人肉連環快拍絕招幫我o地影,重同我老公講生日快樂.環境:唔使再介紹,睇前面食評都已經知道,不過我o地o個張枱同隔離枱貼o左啲,攪到有少少迫.題外話係愛心食肆內慶生,特別有意義. 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-15
225 瀏覽
盛記最旺場當然係晚上的打邊爐啦。聽說想黎到盛記打邊爐的話,就必先要提早好多訂位。我個人食野比較喜歡即慶,所以都未有機會試下呢度的打邊爐。每次黎到盛記都俾呢度的佈置吸引住,四圍都係充滿藝術氣息的裝置,除左好多東西係回收裝置之外,仲有好多都係環保物料整的佈置,相當有心思。今日黎到盛記食午餐,其實有好多選擇,有快餐,亦有粉麵等。如果飲品選擇飲汽水的話,仲係玻璃枝裝果隻,懷舊之餘,用玻璃樽飲係特別好味的。醬爆牛肉飯+凍檸茶$44凍飲同熱飲同價午餐分量都算大。食物色香味都有齊。醬爆牛肉夠哂味度,仲有適量的翠肉瓜及娃娃菜,一個午餐有肉有蔬菜,好味到不得了。餐廳全場幾乎坐滿人,證明呢間餐廳的確係正。平日午餐都坐滿人,晚餐真係要提早d訂位呀。 繼續閱讀
(以上食評乃用戶個人意見 , 並不代表OpenRice之觀點。)