柳氏家 (已結業)

最近韓國鐵板雞專門店柳氏家，去左沙田開香港第一間分店，於是又同屋企人去試試。新城市七樓大部分餐廳一向唔爆滿，不過脅韓國、雞肉、人氣、新開張等tag的柳氏家，呢日當然人頭湧湧。誠心奉勸大家一句，新張期間真係唔好試「味噌蜜糖炒雞」。根據傳媒講，呢個係韓國專為香港人而研發既新口味。但有圖有真相（張相係上檯未攪過之下拍攝），真係嚇一跳：冇味，賣相差，唔夠熱。冇味噌味，冇鐵板FEEL，賣相求奇，最慘隔離檯檯上檯都熱到出煙，呢盤只係僅僅暖。味道的話，好肯定你睇YOUTUBE都煮得好過佢。重點：晚市每位$198。放題食物質素反而好。牛肋骨好稔，炸魷魚好味，豆腐雪糕堅有豆腐味。最重要係個甜醬炸雞，味道好，而且經理添新鮮貨，好過任食果味「味噌蜜糖炒雞」……如果兩味雞既味道調轉，今次評分不致如至。要讚係店員服務ＯＫ既。