影片
更多
2023-06-26
62 瀏覽
《YAKINIKU KAKURA - 黃埔》🥉所以我俾得銅牌就唔係吹水唔係整蠱唔係搵笨，係真係會翻兜！上次食完沙田店，俾左個銅牌，今次過開黎黃埔知道有分店，就黎翻兜。首先個問覺黃埔店比較有昭和感覺，雖然都係少少包廂設計，但感覺好有日式工業感覺，好似燒緊煤咁，大家覺唔覺？職員有特別叫我地唔好將個風口抽得太高，因為怕太大油煙，呢點大家要注意！大判燒！黑毛和牛西冷 $178上次已經食過，今次當然又encore！其實如果你唔係成日食和牛，或者你冇咩話心目中喜歡食咩部份，西冷就一定係入門要食。佢算係一個最代表到和牛嘅位，你試左先，之後先食其他，去搵自己嘅偏好。食食西冷一定係食油香，食入口即溶，呢個大判燒係用左特製醬汁調味，燒完再放入溫泉蛋汁入面中和油膩感同用蛋令和牛更加香濃嫩滑。黑毛和牛内橫膈膜 $188黎到呢度，我唔需要再講d牛靚唔靚，因為唔靚我點會翻兜？内橫膈膜即係近肺果邊，比較接近內藏多一點點。有層脂肪，但有咬口，肉味濃，如果佢有個厚切版本會更好。個人建議要有5成熟，不能太生。燒第一面，燒到肉汁一出，反過另一面，燒多7－10秒就好食了。特上牛胸腹肉 $128我同朋友都覺得呢個係今晚MVP，
所以我俾得銅牌就唔係吹水唔係整蠱唔係搵笨，係真係會翻兜！上次食完沙田店，俾左個銅牌，今次過開黎黃埔知道有分店，就黎翻兜。首先個問覺黃埔店比較有昭和感覺，雖然都係少少包廂設計，但感覺好有日式工業感覺，好似燒緊煤咁，大家覺唔覺？職員有特別叫我地唔好將個風口抽得太高，因為怕太大油煙，呢點大家要注意！
大判燒！黑毛和牛西冷 $178
上次已經食過，今次當然又encore！其實如果你唔係成日食和牛，或者你冇咩話心目中喜歡食咩部份，西冷就一定係入門要食。佢算係一個最代表到和牛嘅位，你試左先，之後先食其他，去搵自己嘅偏好。食食西冷一定係食油香，食入口即溶，呢個大判燒係用左特製醬汁調味，燒完再放入溫泉蛋汁入面中和油膩感同用蛋令和牛更加香濃嫩滑。黑毛和牛内橫膈膜 $188
黎到呢度，我唔需要再講d牛靚唔靚，因為唔靚我點會翻兜？内橫膈膜即係近肺果邊，比較接近內藏多一點點。有層脂肪，但有咬口，肉味濃，如果佢有個厚切版本會更好。個人建議要有5成熟，不能太生。燒第一面，燒到肉汁一出，反過另一面，燒多7－10秒就好食了。
特上牛胸腹肉 $128
我同朋友都覺得呢個係今晚MVP，我一入口係有驚喜，咦左一聲。胸腹肉近肋骨肉味好足係正常發揮！但我睇外表以為佢會係好有咬口果種，點知一咬落去係好嫩口，有初戀嘅感覺（講笑），呢個必試！同上次食牛小排都一樣係有驚喜！
塩味上牛舌 $128
牛舌我自己覺得係一餐和牛燒肉入面必叫，上次都講塩燒係推薦！清清地，係比少少緩衝成餐飯，我最愛係薄燒，輕輕燒十零秒，口感爽，又香！完全同其他部位唔同。
黑毛豚脛肉 $88 ＋ 生菜 $28
朋友話唔好成餐飯都係牛，所以叫左個豬同生菜。係，就係豬頸肉囉！我地都係食返牛，之後我用左個生菜黎包牛胸腹肉，真心好食。我肯定好少人會叫生菜包肉食，但呢個食法我推薦！
黑毛和牛腹柳小排 $148
我唔多講了，上次講左。呢個係我私心推薦，性價比之選！油香同肉味完美平衡，成日話和牛太油，唔鍾意食，叫呢個就岩！
少少總結同個人感覺，我覺得YAKINIKU KAKURA入肉就一定靚，但2間2次體驗，我個人會覺得食係沙田果次較好，環境我覺得呢度靚d，但果邊上次服務就細心少少。總之，我都係維持個銅牌。信心保證！
張貼
