影片
更多
2014-10-14
1626 瀏覽
星期日晚同班朋友去慶祝我生日(之前都係喺open rice見到呢間亡餐廳嘅正評，所以想試)。其實我地已經早五、六日book枱但佢地都話full booking，當時喺電話話接受walk in 的。我地原本計劃7點30食，所以6點30就去左等位。點知我去到居然話唔俾walk in!!!!!!!!我同我啲朋友都覺得好冇癮，有咩理由walk in都唔俾(但係當日喺電話你話得的)。正諗住走果時個侍應又走出黎問我地有幾多位=_=…..坐低之後睇睇個menu，都唔算好多野簡、啲野又唔係好西班牙。我地5個人就叫左5款野試下先，包括：蜜糖雞翼、菠菜奄列、pizza、蛋黃煙肉意粉同fish and chips!最先黎嘅係pizza，直頭同張紙巾一樣咁薄，又超級細個。好彩個味可以接受，稍嫌啲肉咸左少少。（原本叫帶子但佢話賣曬，６點幾就賣曬？）之後係蜜糖雞翼，間餐廳特登將佢拆成單骨，感覺好坤水，個份量少得驚人！但係呢味菜好好食，夠熱、個皮好脆而且好夠蜜糖味。我地5個人，每人只食到一件單骨左右(肉手指公咁大)，食完好似冇食過咁。佢個fish and chips 個fish做得唔錯，好滑、份量足。啲醬都俾得夠多
我地原本計劃7點30食，所以6點30就去左等位。點知我去到居然話唔俾walk in!!!!!!!!我同我啲朋友都覺得好冇癮，有咩理由walk in都唔俾(但係當日喺電話你話得的)。正諗住走果時個侍應又走出黎問我地有幾多位=_=…..
坐低之後睇睇個menu，都唔算好多野簡、啲野又唔係好西班牙。我地5個人就叫左5款野試下先，包括：蜜糖雞翼、菠菜奄列、pizza、蛋黃煙肉意粉同fish and chips!
最先黎嘅係pizza，直頭同張紙巾一樣咁薄，又超級細個。好彩個味可以接受，稍嫌啲肉咸左少少。
（原本叫帶子但佢話賣曬，６點幾就賣曬？）之後係蜜糖雞翼，間餐廳特登將佢拆成單骨，感覺好坤水，個份量少得驚人！但係呢味菜好好食，夠熱、個皮好脆而且好夠蜜糖味。我地5個人，每人只食到一件單骨左右(肉手指公咁大)，食完好似冇食過咁。
佢個fish and chips 個fish做得唔錯，好滑、份量足。啲醬都俾得夠多，夠曬點。而且成個賣相好靚，用木板盛住啲魚；用小鐵筒裝住啲chips!但個chips麻麻，咸而且粉。
菠菜奄列一般，冇咩值得好講。
最災難係個蛋黃煙肉意粉，我只係覺得凍冰冰，搞到成個意粉好sticky。搵曬成個意粉一舊煙肉都冇，個sauce 一啲味都冇=_=….我全枱朋友都話呢個意粉好難食。
跟住講下啲野飲，我叫左杯peach jasmine green tea;我啲朋友叫左一個荔枝果茶同一個招牌果茶。Peach jasmine green tea 唔算好甜，大大杯，arm一啲唔鐘意咁甜嘅女仔，好重桃味，而且feel到係天然果味，但冇茶同jasmine味，個茶仲搞到杯野苦苦地。另外果兩款果茶則冇咩驚喜，好普通嘅果茶一壺。
我都有同班朋友講話好唔好喺度食埋甜品，但係佢地話見其他野啲水準咁一般，都係唔好搏，寧願轉場去第二度食甜品。我有個朋友仲話份量少到食左好似冇食咁，要再去食第二啲野。
埋單係459(如果我冇記錯)…唔算好貴囉，但唔抵食，相信以後唔會返轉頭幫襯。
張貼
