影片
更多
2018-08-14
133 瀏覽
呢間餐廳係銅鑼灣同尖沙咀都有分店，平時都成日食，知道男朋友屋企附近有開就更加要去食啦😍佢嘅格局同另外兩間好唔同，佢呢邊係類似間開咗兩個area，一邊大啲係我坐個邊，另一邊係只有幾個座位，兩邊加埋好似個V字咁星期六八點幾去到都差不多滿座，啱啱好有位俾我地，啲座位好闊落，唔怕枱同枱之間出入會掂到隔離紅酒和牛勒肉配蜆殻粉自己身體差唔食得好多牛肉，但每次嚟都會叫呢款！因為個汁好特別又好味，有少少紅酒味，再加埋煮牛勒肉嘅味道😋 可以放心唔會有酒精味！啲粉又每次都煮到軟硬適中，keep到個爽口嘅韌度係到👍🏿水牛芝士、蕃茄、羅勒、意式香草汁蕃茄色水望落好新鮮好靚，食落更加覺得係好fresh，個味道唔會好酸，配落啲水牛芝士好正，口感同味道perfect match棒棒雞翼配蜜糖燒烤醬呢碟一上菜侍應就叫我地趁熱食更好食🤤 佢個特別之處就係將雞翼拆開單骨咁食，點落個蜜糖燒烤醬，十分之惹味香煎虎蝦配香濃海鮮汁意粉碟意粉一上已經聞到隻蝦烤香嘅味道，連啲海鮮汁都有蝦嘅味，蝦肉咬落結實，大大隻絕無減料。意粉份量幾大，夠一個男人飽肚OSMANTHUS PEAR PIZZA每次食呢間都一定食嘅甜品pizza😛 餅皮食
佢嘅格局同另外兩間好唔同，佢呢邊係類似間開咗兩個area，一邊大啲係我坐個邊，另一邊係只有幾個座位，兩邊加埋好似個V字咁
星期六八點幾去到都差不多滿座，啱啱好有位俾我地，啲座位好闊落，唔怕枱同枱之間出入會掂到隔離
紅酒和牛勒肉配蜆殻粉
自己身體差唔食得好多牛肉，但每次嚟都會叫呢款！因為個汁好特別又好味，有少少紅酒味，再加埋煮牛勒肉嘅味道😋 可以放心唔會有酒精味！啲粉又每次都煮到軟硬適中，keep到個爽口嘅韌度係到👍🏿
水牛芝士、蕃茄、羅勒、意式香草汁
蕃茄色水望落好新鮮好靚，食落更加覺得係好fresh，個味道唔會好酸，配落啲水牛芝士好正，口感同味道perfect match
棒棒雞翼配蜜糖燒烤醬
呢碟一上菜侍應就叫我地趁熱食更好食🤤 佢個特別之處就係將雞翼拆開單骨咁食，點落個蜜糖燒烤醬，十分之惹味
香煎虎蝦配香濃海鮮汁意粉
碟意粉一上已經聞到隻蝦烤香嘅味道，連啲海鮮汁都有蝦嘅味，蝦肉咬落結實，大大隻絕無減料。意粉份量幾大，夠一個男人飽肚
OSMANTHUS PEAR PIZZA
每次食呢間都一定食嘅甜品pizza😛 餅皮食落煙煙韌韌，上面有焗熟嘅啤梨，而且仲有大大個雪糕球！平時嘅pizza以鹹味為主，而呢個就係甜甜地，配菜嘅質地同溫度亦增加個pizza嘅口感
呢到絕對適合一大班朋友、家庭聚會、甚至情侶怕拖或者formal少少嘅聚會都ok👍🏿
張貼
