牡蠣不如帰

營業中

休息中

今日係銅鑼灣名店坊買完嘢就係附近搵食，原本想去「千両」但要排隊，見隔離呢間「牡蠣不如帰」拉麵店裝修得幾有型格，招牌上有隻不如帰小鳥做標誌，應該係「金色不如帰」姐妹店。香港用蠔做主料嘅拉麵店好少見，於是就入去試吓。坐低環境都幾好，粉彩色調、乾淨舒適。事不宜遲即刻柯打咗牡蠣鹽味拉麵、醬漬牡蠣一口飯、完熟白桃梳打。1. 牡蠣鹽味拉麵.配料有叉燒、洋蔥、大蔥、火箭菜、紅椒等，麵條軟硬適中，只係份量太少，試埋叉燒就確認咗係「金色不如帰」姐妹店，叉燒同樣薄無可薄、冇晒叉燒特性，主角嘅湯底就太複雜，標榜嘅鮮味冇出現，第一感覺係勁鹹和油，莫非「三重湯底」嘅意思係鹹、油、腥。☹️2.醬漬牡蠣一口飯.共兩件，醬漬廣島蠔配珍珠米飯、青瓜、刁草，用脆紫菜包裏一齊食。OK🙂3.完熟白桃梳打.冰涼好飲，由於拉麵湯夠勁，好快就成樽清晒。😛小總結：如此質素，面對眾多嘅過江龍強手，只能講句「水魚不如龜」。