牡蠣不如帰

營業中

休息中

牡蠣不如歸係金色不如歸嘅姊妹店分店裝修風格時尚完全唔似傳統嘅拉麵店尤其房間內嘅壁畫色彩鮮艷令人感覺愉悅開心胃口大開！姊妹店以牡蠣鹽味拉麵作招牌用上大量蠔肉熬出甘美鮮香湯底香濃不腥膻加上日本牡蠣醬同秘製鮮蠔油層次豐富蠔香四溢鮮味滿足更上一層樓嘅係牡蠣白湯拉麵❤️先嘗湯牡蠣湯與骨白湯完美平衡口感更濃厚味道多添一份海洋鮮美❤️麵條係標準幼麵爽口不過腍掛湯力足夠❤️醬漬牡蠣蠔體飽滿蠔味更濃郁❤️配上套餐另有自家製豚肉餃子同飲品豚肉餃子皮薄肉鮮白桃焙茶味道鮮甜不假不膩👍男朋友老規矩食辛味拉麵豚骨辛拉麵個香辣主要黎自辣醬油就咁睇有幾分似潮式辣椒油😂不過味道唔似辣度屬香辣惹味愛辣嘅朋友可能要加辣🌶️🌶️溏心蛋唔錯醬油入味但不過鹹👍牡蠣野菜天婦羅野菜天婦羅常食但牡蠣天婦羅就比較少見外皮香脆內裏保持到肉汁天婦羅少見此口感🤤🤤🤤

最近去咗金色唔如歸嘅姊妹店——牡蠣唔如歸，呢間店原來係味千拉麵旗下嘅品牌。佢哋嘅招牌係" 牡蠣白湯拉麵"用大量蠔肉熬製嘅湯底，香濃唔腥，再加上日本牡蠣醬同秘製鮮蠔油，層次豐富，蠔味十足！ 當碗麵上枱嘅時候，已經飄出濃郁嘅蠔香味。牡蠣湯口感濃郁，碗湯入面仲加咗啲細細嘅紫洋蔥，增加咗清新嘅風味。 醬漬牡蠣嘅蠔肉豐盈，蠔味更加濃郁。每一 啖牡蠣白湯拉麵都充滿咗牡蠣嘅味道。餐廳環境方面，裝潢簡約，座位舒適，燈光柔和，營造出一個放鬆嘅用餐氛圍。服務員態度親切，服務周到，經過幫忙斟水。價錢方面，牡蠣白湯拉麵每碗大約$120港幣，雖然唔算平，但牡蠣不如帰絕對可以滿足你嘅味蕾。

來自東京米芝蓮一星拉麵店集團，牡蠣不如帰主打以天然食材熬製的蠔清湯拉麵，而且係香港限定，值對值得一試!!👍- 牡蠣鹽味拉麵 HK$118 🦪🍜主打必試拉麵!!湯底以蠔、豬骨及鮮魚熬成金黃色清湯，淡雅鮮香清甜而不膩。先品嚐原味清湯，再加入濃厚蠔醬及鮮蠔油享用，蠔鮮溫柔與湯頭融為一體。拉麵麵條屬中細麵，粗糙小麥粒帶口感，淡淡麥香不會蓋過清湯風頭。配菜有火箭菜、紫洋蔥、京蔥及意大利蕃茜為拉麵增添更豐富口感與味道層次，拉麵控必食!!- 黃金牡蠣煎餃 HK$75 🦪🥟真材實料煎蠔餃!!餃子餡料全部也是蠔肉，充滿濃郁蠔味，鮮味超爆發，絕對要試!!

今日黎到銅鑼灣食拉麵🍜🥟舖頭入面嘅環境幾好😃店員嘅服務都幾好🫰🏻牡蠣白湯拉麵：個湯底有好鮮嘅蠔味🤤同埋果粒蠔好好食😋略嫌蠔可以再多2-3粒🥹至於拉麵軟硬適中掛到d湯汁上去😛至於塊叉燒就正正常常🤫豚骨辛拉麵：至於呢個拉麵其實姐係加左辣油嘅版本😂蠔嘅鮮味會比辣油搶左少少🤏建議唔洗加辣🤫豚肉煎餃：餃子係跟餐嘅😝煎餃煎得幾香仲有少少脆👌🏻餃子除左有豬肉仲有少少蠔肉係入面🤩所以食落仲有淡淡嘅蠔香🥰白松露油厚燒牛舌丼：呢個丼飯每一啖都有好香嘅松露味🤤食完一啖又一啖停唔到口😳牛舌有6塊左右同埋燒得好嫩😋個人黎講鐘意食呢個飯多過拉麵😂🫢野菜廣島蠔餅：因為拉麵個蠔好好食所以加點呢個蠔餅😝值得一提係店員主動攞左2個碟仔比我地食🥰呢個蠔餅用左好少粉炸所以保持到食物嘅鮮味🤩食落都好香口好好食呀😋🤤係略嫌份量露可以再多少少🥲😫兩個人食唔夠喉呀😂最後埋單400幾蚊💰價錢同普通拉麵店都差唔多💡Overall黎講呢間拉麵店嘅野食係唔錯但份量會少左d🥲可能再加多少少野先夠飽🫢推介個蠔餅🤩拉麵叫番原味會更食到湯底嘅鮮味🤏店員嘅服務都好好會主動倒水比我地同埋禮貌都唔錯👍🏻味道：8/10價錢：7.5/10服務：8.5/10環

🌸《牡蠣不如帰 • 拉麵 • 銅鑼灣》📣東京米芝蓮一星拉麵店首度聯乘「金色不如歸」推出期間限定‼️📣-🔹 牡蠣白湯拉麵 $138濃郁既牡蠣湯底，呈現奶白色，鮮味十足！仲有一隻好肥美既醬漬牡蠣，中間半流心，醬漬味道岩岩好，慢煮叉燒唔算好肥有咬口✨ 拉麵加埋火箭菜真係好好食🥳-🔸菇燒牡蠣串 $62牡蠣好大隻，4隻兩串，外層包住一層薄薄既菇，有另一種口感👍🏻-🔹明太子白魚滑蛋丼 $55滑蛋配白魚食落好鮮美，分量唔太大但飽肚✨-📍 牡蠣不如帰 (銅鑼灣)@konjikihototogisuhk 銅鑼灣百德新街57號Fashion Walk地下A號舖-#foodbitxh_tst #香港探店 #香港達人 #香港旅遊攻略 #尖沙咀美食#留港消費 #留港 #留港消費振興經濟 #留港旅行 #日本菜 #日本菜🍣 #日本料理 #日式丼飯 #居酒屋 #香港美食 #香港小店 #香港小店💛 #香港小店🐷 #香港小食 #香港小吃 #本地菜 #米芝蓮一星 #米芝蓮 #米芝蓮推介 #牡蠣 #日式拉麵 #米芝蓮拉麵 #金色不如帰 #牡蠣不如帰 #聯乘

係一間拉麵好食，但牛舌丼同小食更好食嘅拉麵店😗留意返好多牡蠣菜色都係得銅鑼灣分店有，其他金色不如帰分店都無，所以強烈建議要去銅鑼灣食🫡🦪牡蠣白湯拉麵 $138一開始飲啖湯先就係香濃豬骨味，之後就可以mix埋牡蠣醬令湯頭更鮮甜，不過湯底個人更喜歡上次食嘅鹽味湯底😛肉肉同牡蠣都好吃🍜加$38仲有餃子同嘢飲🥟🌟醬漬牡蠣一口飯 $68必叫🥹‼️甜甜哋嘅紫菜包住鮮美肥嘟嘟牡蠣同少少飯，一啖食落去係爆汁新鮮好吃，我哋就係為咗佢二刷嚟食🤤💖🌟厚燒牛舌丼 $68必叫 also🥹‼️厚切牛舌燒得啱啱好，肉質Q彈，飯因為有蛋黃同甜甜紫菜mix埋所以很好吃，仲可以同拉麵湯一起吃😬野菜廣島蠔餅 $68啲南瓜幾甜，同中間有隻肥美大牡蠣😀

裝修非常型格，枱同枱之間空間好寬敞，坐得好舒服！牡蠣不如歸是金色不如掃的姊妹店，重點主打蠔湯底拉麵牡蠣白湯拉麵套餐$176 (配埋小食同餐飲）白湯拉麵上面有一隻好大肥美嘅生蠔，生熟嘅程度係剛剛好，鮮美嫩滑！重點係個湯底充滿牡蠣嘅味道，濃而不膩!牡蠣🦪鹽味拉麵鹽味拉麵湯底相比白湯會清淡一啲，但都係滿滿的牡蠣🦪味！兩個拉麵質地都煮得剛剛好好👍🏻有咬口，夠煙靭！自家製豚肉餃子（3隻）套餐小食嘅餃子有三隻，都幾大隻，仲配有餃子汁，入邊有唔少嘅豚肉配洋蔥做餡料，味道唔錯！自家製牡蠣餃子（3隻)呢款餃子夠晒特別，出邊好少餃子係有蠔嘅！配上洋蔥粒，真係好鮮味！日替沙律酸酸甜甜汁，幾開胃啲，蔬菜都新鮮又有蕃茄仔！白桃焙茶凍凍地，清甜又解渴，唔算太甜🫰🏻📍🍱牡蠣不如帰 (銅鑼灣)📍銅鑼灣百德新街57號Fashion Walk地下A號舖

東京米芝連一星拉麵店，主打食蠔湯底，湯底勁有蠔味。湯底十分特別，出奇地濃郁，仲有特制醬汁令到湯底更濃郁。拉麵本身好正，麵條彈牙，煮到剛好。最重要嘅係拉麵上面放左醬油漬牡蠣！牡蠣肉鮮嫩多汁，淹制完同湯底味道完全融合埋一齊，每一口都係幸福感爆棚！如果你係牡蠣同埋拉麵嘅愛好者，呢個絕對係一個必試嘅選擇！餐廳拉麵可配套餐，加$38蚊可以配埋飲品同三隻豚肉餃子。另外點了個醬漬牡蠣一口飯，由紫菜包裹住大大隻蠔，配埋軟熟都飯好夾。

米芝連級牡蠣拉麵食過會再嚟嘅牡蠣拉麵！專門以牡蠣為主要食材嘅拉麵店，憑出色的自家秘製的牡蠣鹽湯拉麵拎左連續6年米芝連一星，喜歡食蠔一定要試！牡蠣白湯拉麵💯💯💯湯底濃郁 配左秘製日本牡蠣醬真係令湯汁層次更豐富，味道更香濃更鮮味！牡蠣鹽湯拉麵💯💯💯💯湯汁相比白湯冇咁濃郁 除左有自家牡蠣醬仲有秘製鮮蠔油 令湯汁蠔味非常鮮明仲帶有淡淡鹽味，味道好獨一無二！一定要連湯飲埋！牡蠣天婦羅💯💯💯隻炸蠔肥美大隻！外酥脆 內鮮味～配菜嘅粟米同南瓜天婦羅都好驚喜 鮮甜到爆！大讚！！

🍜米芝蓮一星蠔湯拉麵🍜-今日去咗銅鑼灣食一間出名蠔既拉麵舖🍜佢地有多款蠔拉麵同埋小食🦪果然有傳聞咁出色😋不愧係係東京米芝蓮一星既餐廳👍🏼-牡蠣白湯拉麵滿滿蠔鮮味既拉麵🍜除左有原隻醬漬鮮蠔之外😍湯底亦都飲得出係用左好多蠔熬製而成🤤再加埋牡蠣油👍🏼令濃湯掛身得黎香氣撲鼻🦪濃郁既牡蠣醬更加係精華所在😋慢煮叉燒有少少煙熏味好好食-白松露油厚燒牛舌丼一上菜已經聞到陣陣松露香味🤤牛舌軟嫩又多汁😍鋪滿係紫菜飯上面👍🏼仲有粒香濃蛋黃😋食到停唔到口-醬漬牡蠣一口飯每隻蠔都好肥美🦪而且經過醬漬之後唔止冇搶到蠔本身既味道👍🏼更加令到鮮味提升一個層次-菇燒牡蠣串一共有四隻蠔🦪每一隻蠔出面都用薄薄既菇片同風乾火腿包住😋外彈內淋👍🏼口感獨特-📍牡蠣不如㷌銅鑼灣百德新街57號Fashion Walk地下A號舖

🍜牡蠣白湯拉麵 $138 (+$38 套餐)醬漬牡蠣🦪鮮甜大粒😍，仲有火箭菜🌿同埋慢煮叉燒，叉燒唔肥腍嫩滑，牡蠣白湯出色👍，湯頭加左檸檬🍋同埋車厘茄🍅有提鮮解膩既作用，拉麵軟硬適中掛湯套餐包小食一份同埋野飲，小食揀左自家製豚肉餃子🥟，有3隻煎餃外面微脆😝，豚肉肉質嫩入面仲有笋絲﹑菇菌同埋菜🥬，野飲就揀左清新的白桃焙茶🍑🍜牡蠣鹽味拉麵 $118牡蠣鹽味拉麵入面有低温叉燒﹑意大利蕃茜、火箭菜﹑紫洋蔥🧅﹑京蔥﹑鮮蠔油同埋蠔醬，鹽味湯底用左三重湯底（蠍湯，豬宵清湯，魚清湯)，相對上濃味啲但唔會過鹹帶淡淡的蠔味，岩重口味人士，湯頭同配料好夾，如果有埋牡蠣🦪就更好，拉麵幼細一樣咁好食😝🦪醬漬牡蠣一口飯 $68推介! 一客兩件，紫菜包住蠔飯🍙同埋醬漬牡蠣，仲加左青瓜🥒，口感豐富，牡蠣🦪肥美鮮甜，口感滑溜配甘甜醬油👍，好滿足 😍.✨金色不如帰的姊妹店，牡蠣不如帰主打蠔湯底拉麵，除左拉麵仲有丼飯，日式裝修，空間寬敞，枱同枱之間唔會密，環境舒適清靜幾岩傾計.

話說有日去咗試呢一間打住米芝蓮一星旗號既拉麵究竟有冇驚喜呢？🍜-🍜牡蠣鹽味拉麵 / $118嚟到呢度梗係要試吓佢哋嘅主打拉麵啦！以三重湯底製成（蠔湯+豬骨湯+魚清湯），配埋自家製蠔醬，鮮蠔油，加上其他配菜紫洋蔥，京蔥，火箭菜，意大利蕃茜等等，湯底確實挺鮮甜，清而不膩。配了低溫叉燒🐷拉麵底屬幼身麵。-🍤牡蠣野菜天婦羅 / $88最令我驚喜嘅，反而係呢個天婦羅超級好食！😋（比拉麵更出色⋯）牡蠣超級肥味！-🥟自家製豚肉餃子 / $65就正常水準的日式餃子～-🥚溏心蛋 / $15可能去之前既期待值過高，主打的牡蠣鹽味拉麵反而冇特別驚喜，食物整體口味都偏淡一點。所以喜歡吃濃味的我試完之後反而有點點失望，屬於一次就夠系列🤭不追求性價比的話一試無妨～

走進呢間小店，一碗蠔湯拉麵竟然叫價唔係咁平，心諗：「質素應該好過天吖！」但食落，嗯...就算啦，得個可以接受。先講下湯底，蠔味係出嚟嘅，鮮味都算明顯，但同啲高檔日式拉麵比起嚟，就稍嫌平平，湯頭淡咗啲，唔夠嗰種濃郁，喝落有少少水水哋。蠔仔個樣仲可以，肉質過得去，但食落感覺唔夠彈牙，好似少咗啲新鮮嘅勁頭。拉麵方面，面條挺直，但就欠缺咗啲手工面嘅嚼勁，整體來講算係中規中矩，無咩特別突出。不過，佢哋加嘅蔥花同炸蒜蓉都算係個不錯嘅嘗試，為整碗麵帶嚟啲額外香氣同口感對比。價錢上，就真係有少少貴，對於呢個質素嘅拉麵嚟講，我會期望低啲。可能因為係用蠔嚟熬湯，所以成本高啲，但係對於一碗普通水平嘅拉麵，我覺得唔應該收貴過頂級嘅價錢。總括嚟講，呢碗蠔湯拉麵算係一次可以嘅食體驗，但如果你期待性價比高啲嘅話，可能會覺得有啲失望。下次如果再嚟，我可能會考慮試下其他菜式，睇吓有冇啲更加抵食嘅選擇。