CHEF STAGE de Eddy Chu (已結業)

今日放工，想同朋友去一間舒適嘅餐廳度傾吓計，記得之前係呢度食lunch，食物質素唔錯，又可以望到海景，都幾舒適，所以決定再來一次試吓個晚餐。一嚟到餐廳，就見到有一位應該係菲律賓藉的歌手喺度自彈自唱，氣氛真係非常好，佢嘅歌聲仲好悅耳添！八爪魚沙律沙律菜好新鮮。八爪魚竟然煮得好稔，口感好特別， 係廚師特別烹調的。配上BBQ醬汁同香草汁。個人特別鍾意香草汁，小小酸非常醒胃。香港豬扒包（ 黑毛豬熱脆包)個包烘得好香脆，包裏的芥茉漿將口感提升到不同層次，黑毛豬肉質軟稔。松露煮法國原粒蘑菇$118份量都幾多，但係松露味不足，較為失色，就好似用白汁煮完隻蘑菇一樣，當中的辣肉腸為這道菜增添了另一種口感。冬陰公海鮮湯估唔到冬陰公海鮮湯，除咗泰式之外，西式都咁好味，creamy 之中帶點辣味，海鮮都好豐富有鮑魚、帶子、蝦全部都好新鮮呢蒜香牛肉扁意粉$188意粉醬汁有蒜香及香甜味，牛肉烹調適宜，肉質軟熟，份量剛好。香草嘅味道味道非常清新。燒西班牙黑毛豬肋肉條$188黑毛豬肋肉條經過油泡，略嫌有點油膩，但係好入味。配上新鮮菠蘿，非常香甜。總括嚟講，呢一餐都係好滿意，可以舒舒服服咁樣傾吓計。