Lo Spazio (已結業)

近日局勢不穩，少咗人出外消費食嘢。咁我都要出去支持經濟下嘅。呢間餐廳朋友食過話幾好所以黎試一試。Green salad: 呢個沙律呢就剩係得菜，無肉嘅。但係佢加左少少醋落去，感到非常之開胃，菜亦都非常新鮮。arancini:佢炸到外脆內軟，入邊有軟綿綿嘅飯同薯仔加煙肉，非常好食。又唔會好淋油。Full mussels: 青口size呢雖然唔大，但係鮮味十足，而且份量亦都好多，食到好飽。好抵食！Spinach & ricotta favioli:因為加咗芝士，所以好香又好滑。幾惹味。Seafood risotto: 飯同海鮮嘅比例做得非常好唔會食晒啲海鮮淨番d飯係度Tiramisu:呢餐飯我覺得最好食係呢一個Tiramisu。佢唔會太甜，好香芝士味，而且啲蛋糕唔會落直太多酒令到淋哂，所以我覺得所有嘢都恰到好處。整體來講呢間餐廳都非常唔錯，值得再去多一次。