新派韓食館 (已結業)

韓國菜食得多，不過硬係覺得差dd，見到有人推薦呢間侍應都係歐巴同倫那嘅餐廳！當然要試下！首先講左飲品先，雙層草莓柚子沙冰！酸酸甜甜好開胃~~絕對吾係個d溝水沙冰，份量十足由頭飲到落尾都夠必點醬醃鮑魚！鮮甜彈牙，配飯食一流。五花腩生菜色，肉片算厚身，生菜幾新鮮，建議大家落多小小醬一齊食，因為個醬都開胃。呢間鋪最大特色係有不同各式各樣嘅鍋！呢個未係主食，不過都算吾錯，d菜吸晒d汁，贊！主角，海隊長鮮貝鍋！因為我好中意食烏冬所以就叫左呢個鍋，不得不提個鍋真係好扺食，有鮑魚青口蠔仔蜆！連個湯都係充滿海鮮嘅甜味！不得了，貝類我大大話話食左十幾粒都無沙，加埋個烏冬真係無得頂！歐巴們服務又好雖然吾知佢地識吾識中文，不過呢到真係CP值高，食物質素都有四星半(五星為滿)，服務同氣氛可以俾足五星，中意韓國菜嘅人一定要試下！