KATANA by SAKEH (已結業)

朋友仔喺中環收工，行吓行吓就去咗Katana食串燒，呢度係酒吧咁嘅格局，燈光比較暗，播住啲輕音樂，氣氛都唔錯。呢度好多日本酒，我哋開咗支Sake～串燒選擇好多，我哋食咗好多嘢😂牛舌係必食推介，又厚又多汁，咬一啖、牛肉汁爆出嚟，配合爽脆嘅口感，好味。白鱔都唔錯，魚皮燒得焦香👍🏻雞上髀肉我哋要咗幾串，雞肉好嫩滑，味道方面有汁燒、鹽燒、柚子鹽燒，最好食都係最Basic嘅鹽燒！雞尾都係我哋食串燒一定會叫嘅😛 係脂肪感好重嘅一個部份，但燒咗之後真係好香好食！然後仲叫咗雞肝同埋雞腎，雞肝多汁好味，鍾意食內臟嘅朋友仔不能錯過~最後食咗個明太子玉子蓋飯，明太子少少鹹少少辣，撈飯好味，細細碗份量啱啱好。