滿屋日本料理 (已結業)

銅鑼灣食肆臨立，真心唔少食肆出現。由其是放題，真係很多選擇，今次揀呢間都算係銅鑼灣之最。環境非常寬敞舒適，燈光也很和諧。座位唔會太窄，岩晒一家大細、親朋好友一齊食飯。有自助沙律吧俾人選擇，每樣冷盤都好新鮮，感覺好似去左酒店自助餐一樣。當然亦有熟食推介，其中三文魚頭是最吸引的，熱辣辣非常暖胃。而且又不會太油，啖啖肉非常吸引。食放題最緊要當然是刺身啦！見到呢條船都覺得吸引，有三文魚、長腳蟹、虎蝦、泰式蝦、帶子、油甘魚等。其實好少放題可以無限食長腳蟹，真心值回票價了。當然都有其他燒物、天婦羅等。每款都非常好，而且絕對新鮮。