壽司派 (已結業)

食完幾日宜家先有時間寫食評。朋友約去沙田食飯，所以即刻上黎做資料搜集。因為朋友想食壽司而沙田並無太多選擇，所以即使好評吾多，我地都決定去試下呢間壽司派。星期六既六點鐘，兩個人都未洗等位住，不過到六點半就已經成間坐滿曬，好彩早d泥攞位咋見到menu其實都幾多選擇，仲有人氣推介食物添。我地order左兩個推介卷物，香脆帶子卷同埋吞拿魚腩鰻魚脆卷。兩個都好好味，而且好有口感，食落口脆卜卜咁。仲有叫左小小刺身，火焰鰻魚，汁燒生蠔，稻庭烏冬，都幾好味，幾新鮮我個人認為呢間都算系水準高既壽司店，食物選擇都好多，推介既食物都幾新穎，至少暫時系其他地方未見過，都值得再黎既，不過下次吾知幾時啦，因為始終吾系住沙田，希望下次黎既時候推介食物已經換左新菜單埋單既時候見到張單最下面寫住星期一至五下午茶什錦定食有五款壽司加兩款和料理仲有麵豉湯添，不過無寫價錢，我諗下午茶應該吾會好貴架