夏麵館 (寶石大廈) (已結業)

荃灣以前既夏麵館係係荃灣廣場，結左業一段時間再係沙咀道出現，都會間唔中去食既，味道未算好好，不過感覺上會比某些上海連鎖餐廳好的，而且環境都唔錯，夠闊，夠舒服。每次都會點鮮肉小籠包，夠熱有汁，皮就唔算係好薄不過口感都算還可以。炸饅頭，自己都幾鍾意食既，加埋奶一齊食就更加好味，口感唔錯，皮都會少少脆不過真係少少而已。津白，味道還算正常，不過不失，火腿果然好鹹，鹹到無食哂了，不過整體還算ok既。整體黎講，夏麵館食物質素係ok既，所以間唔中都會食。價錢相比其他既上海餐廳都係可接受，唔算特別貴或便宜啊。總結ok,可試。