PHI Coffee & Pancake (卡佛大廈)

營業中

休息中

每次想食疏乎厘pancake都會諗起呢間餐廳。食甜品前先食漢堡扒全日早餐同意粉。有驚喜！日式漢堡扒比想像中厚身，內有洋蔥粒，食落帶有少少甜味，配埋牛肉汁好夾。另外，粉紅吞拿魚貓耳朵粉齋睇賣相已經好吸引，估唔到有咁多件吞拿魚，貓耳朵粉軟硬度適中，配埋蒜蓉芝士汁越食越想食。Godiva朱古力酒咖啡同豆花咖啡，兩杯都唔會太甜，咖啡味香濃，豆花咖啡飲落仲有豆花布甸，好有口感。甜品就叫左經典英式伯爵茶疏乎厘，上邊嘅糖脆片同醬汁都充滿香濃嘅伯爵茶味，新鮮出爐嘅疏乎厘配埋雲呢拿雪糕，正！