影片
更多
2018-12-17
2284 瀏覽
又到咗一年一度茶園自助餐嘅時間，唔記得由幾時開始，每年生日前後都會食返次，今年都唔例外😌款式唔算多但樣樣精，唔會玩東南亞多國菜迎合所有人而專做西方菜，之前裝修後冇咗龍蝦任食但多咗生蠔任食，種類都係法國種，雖然只係最輕量嘅no.4，款式都冇研究開，但食落濃味得嚟臨尾會有陣甜甜嘅after taste。除咗海產之外，好鐘意呢度嘅cold cut區，淨係凍肉批都有四五款，Parma ham就得一種，廿四個月夠哂香，最正係個肝醬仲有松露響面㗎✨熟食就同往年嘅有啲分別，今年冇乜魚好食，不過個橙鴨幾香，田螺就好肉地但味淡，鵝肝好鐘意佢有塊梨墊住保持到個清新感又減膩，鋸扒區羊架肉嫩帶微羊騷香，必推威靈頓牛扒，酥皮同牛扒之間有層鵝肝醬食落更香，牛扒本身質素都好高✨雖然冇咗龍蝦任食，但每人都會送返一隻好多肉嘅俾你，經過前幾年嘅經驗揀芝士焗一定係最穩陣，只係焗到面層芝士帶微微焦香，龍蝦肉依然鮮甜唔會過實，焗得點到即止。當然仲有必飲招牌龍蝦湯，不過今次飲落有微微嘅燶味，一碗就完事。甜品方面繼續都係冇雪糕蛋糕的，不過有十種味自家製雪糕，其中最得意係芒果糯米飯，係真係有糯米粒響入面，蜜桃香檳同梨味雪葩都好fre
款式唔算多但樣樣精，唔會玩東南亞多國菜迎合所有人而專做西方菜，之前裝修後冇咗龍蝦任食但多咗生蠔任食，種類都係法國種，雖然只係最輕量嘅no.4，款式都冇研究開，但食落濃味得嚟臨尾會有陣甜甜嘅after taste。
除咗海產之外，好鐘意呢度嘅cold cut區，淨係凍肉批都有四五款，Parma ham就得一種，廿四個月夠哂香，最正係個肝醬仲有松露響面㗎✨
熟食就同往年嘅有啲分別，今年冇乜魚好食，不過個橙鴨幾香，田螺就好肉地但味淡，鵝肝好鐘意佢有塊梨墊住保持到個清新感又減膩，鋸扒區羊架肉嫩帶微羊騷香，必推威靈頓牛扒，酥皮同牛扒之間有層鵝肝醬食落更香，牛扒本身質素都好高✨
雖然冇咗龍蝦任食，但每人都會送返一隻好多肉嘅俾你，經過前幾年嘅經驗揀芝士焗一定係最穩陣，只係焗到面層芝士帶微微焦香，龍蝦肉依然鮮甜唔會過實，焗得點到即止。
當然仲有必飲招牌龍蝦湯，不過今次飲落有微微嘅燶味，一碗就完事。
甜品方面繼續都係冇雪糕蛋糕的，不過有十種味自家製雪糕，其中最得意係芒果糯米飯，係真係有糯米粒響入面，蜜桃香檳同梨味雪葩都好fresh，只係前者酒味都幾重下，其實佢仲有咸蛋肉鬆味但唔夠薑試囉😛
比較特別嘅係今年朋友叫咗個生日蛋糕仔，朱古力味，香得嚟唔會好甜，同埋佢拎出嚟果陣隊live jazz band會轉生日歌😂
張貼
