影片
更多
2022-07-09
93 瀏覽
「雪山冰廳」創立於1956年，至今已有60多年歷史，現時係深水埗同長沙灣同有分店，冰廳係2017年易手後重新裝修轉型成為新派港式茶餐廳，主打各款冰室美食同飲品，具懷舊風情之餘亦加入不少新派創意。冰廳茶餐款式選擇多，較為出名嘅有避風塘炸蒜雞脾、榛子醬西多士、自家手打芝士煎蛋牛肉漢堡包同椒鹽豬扒飯等，除此之外，飲品方面亦有好多特飲，好似樽仔奶茶、樽仔咖啡、紅豆冰、忌廉薄荷朱古力、忌廉咖啡同恐龍美祿等。波士頓龍蝦叻沙摻摻:龍蝦叻沙賣相震撼，非常吸睛，大大隻龍蝦，肉厚爽口，非常彈牙，湯底濃郁惹味，帶出陣陣香料以及椰漿嘅奶香味，仲食到粒粒蝦乾，至於麵都好足料，油麵同米粉各一半，配料方面有開邊烚雞蛋、大大片魚片同豆卜，份量勁多，值得一讚嘅係店員會準備埋鉗俾你拆龍蝦肉，非常細心。田園板燒雞扒潛艇:雞扒煎到香脆後剪開，再鋪滿成個潛艇包，再加埋沙律菜同麻醬整成。潛艇包外皮香脆，入面鬆軟，雞肉醃得幾入味，配上沙律菜同麻醬食可以減低整體油膩感，非常滿足呀。榛子醬西多士:西多士係典型中式下午茶嘅食物選擇之一，近年好多餐廳更添加創意去採用唔同嘅醬料，而「雪山冰廳」就用上榛子醬。榛子醬西多士即叫即整，呈金黃色，賣
冰廳茶餐款式選擇多，較為出名嘅有避風塘炸蒜雞脾、榛子醬西多士、自家手打芝士煎蛋牛肉漢堡包同椒鹽豬扒飯等，除此之外，飲品方面亦有好多特飲，好似樽仔奶茶、樽仔咖啡、紅豆冰、忌廉薄荷朱古力、忌廉咖啡同恐龍美祿等。
波士頓龍蝦叻沙摻摻:
龍蝦叻沙賣相震撼，非常吸睛，大大隻龍蝦，肉厚爽口，非常彈牙，湯底濃郁惹味，帶出陣陣香料以及椰漿嘅奶香味，仲食到粒粒蝦乾，至於麵都好足料，油麵同米粉各一半，配料方面有開邊烚雞蛋、大大片魚片同豆卜，份量勁多，值得一讚嘅係店員會準備埋鉗俾你拆龍蝦肉，非常細心。
田園板燒雞扒潛艇:
雞扒煎到香脆後剪開，再鋪滿成個潛艇包，再加埋沙律菜同麻醬整成。
潛艇包外皮香脆，入面鬆軟，雞肉醃得幾入味，配上沙律菜同麻醬食可以減低整體油膩感，非常滿足呀。
榛子醬西多士:
西多士係典型中式下午茶嘅食物選擇之一，近年好多餐廳更添加創意去採用唔同嘅醬料，而「雪山冰廳」就用上榛子醬。
榛子醬西多士即叫即整，呈金黃色，賣相非常吸引，上檯時望住舊牛油係西多士上面慢慢溶，切開後仲見到一層榛子醬，入口有好香濃嘅榛子味，即使檯上有糖漿俾我地任唧，但個人認為唔洗落都已經好夠味，令我地一啖又一啖咁食，相當邪惡。唯一美中不足嘅係榛子醬唔係流心，如果整到流心嘅話就真係完美啦。
下午茶時段除左有熱飲之外，仲可以加＄8 加配粟米什果沙律或海苔炸薯條。
紅豆冰:
紅豆冰係「茶走紅豆冰」，平時比較少試到，用煉奶做底嘅紅豆冰，飲落唔會太甜，茶味香濃，有好多大大粒嘅紅豆， 煲得唔會過爛，食落軟綿綿， 好好飲！
張貼
