麺屋武蔵 (已結業)

之前見到APM果間分店排曬長龍，一路好想試但無機會，今日咁岩約左朋友去坑口搵好野食，於是就去試下依間。去到中午12點幾無乜人，環境好舒服好靜，都幾多卡位，無乜人騷擾。同朋友嗌左兩個麵一個小食。依碗沾麵個麵本身好彈牙，個蛋好好食，湯好濃，服務員態度好好，見你食曬啲麵會主動問你要唔要加湯，美中不足係個麵可以再凍少少。湯濃度適中，麵都夠咬口，對女仔黎講份量都岩岩好，唯一不足係豚角煮略嫌咸左一點。英文menu caption明明無薯點解叫雙色薯餅？其實係南瓜加栗子，熱喇喇夠曬脆，最鐘意個外層夠薄。價錢份量比起一般拉麵店成正比，下次再經過會試下其他口味。