影片
更多
2018-05-22
1481 瀏覽
由於同朋友去咗綠匯學院嘅開放日參觀，先至發現有呢一間隱世素食店。呢間餐廳位於小山丘上嘅綠匯學苑之內，導賞員介紹餐廳會採用當造嘅食材煮佢哋嘅菜式，而嗰啲食材就正正係喺餐廳旁邊嘅一個田園裏面，而且係用有機耕種方式嚟種植，食得新鮮、食得健康之餘，亦減少運送食材的步驟，盡量減低碳排放。是一個非常好嘅理念。菜式選擇其實都算多，有12款任你配搭，選3款$45﹐選4款$60。價錢合理。由於花多眼亂，好唔容易我先至選好4款：黃薑糙米飯 - 淡淡嘅黃薑味。藜麥鷹嘴豆沙律 - 鷹嘴豆已經煮稔，入口已軟滑，加埋藜麥，健康之選。眉豆煎餅 - 香口，滿滿嘅眉豆味道，出乎意料地又幾好食wor。扁豆紅菜頭沙律 - 新鮮紅菜頭，加扁豆同埋佢哋自製嘅沙律醬，搭配得非常好。呢餐非常滿意，因為食得健康之餘，價錢合理、餐廳環境亦都舒適。原來平日餐廳都會開，只做午市，下次去大埔都可以再嚟食。
菜式選擇其實都算多，有12款任你配搭，選3款$45﹐選4款$60。價錢合理。
由於花多眼亂，好唔容易我先至選好4款：
黃薑糙米飯 - 淡淡嘅黃薑味。
藜麥鷹嘴豆沙律 - 鷹嘴豆已經煮稔，入口已軟滑，加埋藜麥，健康之選。
眉豆煎餅 - 香口，滿滿嘅眉豆味道，出乎意料地又幾好食wor。
扁豆紅菜頭沙律 - 新鮮紅菜頭，加扁豆同埋佢哋自製嘅沙律醬，搭配得非常好。
呢餐非常滿意，因為食得健康之餘，價錢合理、餐廳環境亦都舒適。原來平日餐廳都會開，只做午市，下次去大埔都可以再嚟食。
張貼
