長阪燒 (已結業)

今日嚟到旺角長阪燒呢間日式居酒屋食新嘢， 朋友介紹佢哋嘅食材新鮮味美， 所以十分期待。 最欣賞係佢嘅裝修好有日式風味 ，而且座位舒適， 係高級日式餐廳嘅風格。前菜叫咗沖繩海葡萄蕃茄沙律同安康魚肝酢物。 不得不讚佢嘅沙律菜好新鮮，海葡萄口感好特別， 配埋砌到好似花一樣嘅蕃茄， 視覺同味覺都係一流嘅享受。佢嘅海膽海鮮杯，海膽十分新鮮， 一食已經feel到係高級海膽。至於厚切蒲燒鰻魚，油脂分佈十分平均，咬落去十分香口， 油脂同埋鰻魚汁融合得恰到好處。豚肉秋葵， 烤到脆口嘅豚肉配埋新鮮秋葵， 口感外脆內軟。雞胸軟骨，十分脆口， 帶少少烤到香口雞胸肉， 口感十分好。雞髀肉， 肉質好juicy， 雞肉一啲都唔老， 鮮嫩多汁， 完全感受到師傅，他的十分手勢掌握得好好。燒杏鮑菇同燒翠玉瓜作為蔬菜類都覺得好出色。個人覺得餐廳十分值得回顧。