宮葉 パフェ (已結業)

呢間餐廳應該係新開，之前行開行埋都唔覺，既然甘有緣，就試下食佢！店內都有唔少人係一個黎食，主要坐高枱位置。餐牌上熱食唔多，主要係拉麵同小食。相反甜品就好多款！吉列豬排拉麵拉麵豬骨湯底，最開心係見到有木耳做配菜。糖心蛋蛋心“”痴痴立立“”甘，正！豬排好鬆脆，算係大塊頭內裡有一陣好似鹽酥雞甘既香味，但又好似唔係不過好香口。甜品係綠茶心太軟平時朱古力心太軟食得多，但綠茶第一次食，睇到師係用心製作，食物擺得有層次，有唔少生果。心太軟係心形，size 比平時食開既大舊。切開係流心，熱喇喇既。不過有啲膩，太奶味。綠茶雪糕好濃抹茶味。尤其是墊底既綠茶蛋白，好好味！又脆，入口即滆既感覺！！呢度食物價格平，又好食，一百蚊可以食到正餐同甜品，仲要免加一！正！會再黎之店舖！