宮葉 パフェ (已結業)

經過太子想同老公食個Casual 晚餐，唔想食得太貴，上網搵見食評唔錯，一於試試。黎到發現都幾多人，6點半時間算早，等左唔使5 分鐘就入得。叫左我鍾意食既豬軟骨拉面，豬軟骨煮得非常䄒，好入味一咬就融咁，好好食。仲有隻流心蛋真係加晒分。拉面佢整得偏軟，如果喜歡硬身拉面既人記得落單個陣同佢講聲 ：）老公食左帆立貝滑蛋雞肉飯，佢病病地無乜胃口，佢都話個飯夠水份，好易入口。其實食完都好飽，但係見到隔離枱食緊甜品，好吸引，於是叫左寒天抺茶奶凍，細細杯岩岩好，重點係綠色既蕨餅，唔係度度有得食架～ 呢間餐廳雖然唔算大，同隔離位都幾近，不過咁既價錢質素黎講我覺得真係超值啦。…查看更多

有期都多人排隊，朋友話上次食過茶漬飯好食，想試拉麵，所以建議黎呢度。我都點拉麵，不過食左幾啖忍唔住問同平時出*丁丁拉麵有咩分別。。。。啲麵淋到一pat野。。。。好彩有點好飲同靚嘅水果茶balance 返 (有玄米茶味）。。。。點解平時都有人排隊。。。。至於甜品就。。。相同餐牌靚嘅，好唔好食就唔知。…查看更多

禮拜日晏晝約朋友出黎去花園街買衫，買完衫行下行下已四半，夠鐘下午茶時間，搵個地方食下午茶hea下補充能量。行經呢間食店，門外有3,4個人排隊，望一望店內裝修走柔和日系風情，再望下門外個餐牌，價錢可以用抵黎形容，同朋友二話不說，食呢間。等左5分鐘就已入座，店面長方形，坐左近收銀櫃的兩人枱位置，店鋪裝潢用木同柔和既燈光互相映襯，有啲似日系西餐既CAFÉ店子格調。我地食果陣係下午茶時段，本餐牌入面有單張既menu，寫住『超值套餐，全日優惠，不分時段』，好吸引，叫個拉麵加大大杯果茶先$52+$8，仲有個底部寫住下午茶時段(2:30-6)所有甜品8折，野食種類太多，產生左選擇障礙症，經過5分鐘遲疑，終於揀到各人各點一個拉麵+果茶，再黎點多兩份甜品。點左個日式豬扒拉麵+芒果青檸果茶，朋友就點左關西义燒拉麵+櫻花蘋果果茶。餐飲先上枱，霹靂大杯，SIZE直情媲美7仔既自由斟大杯裝既容量，入面裝住好多生果，打開蓋邊食生果邊飲，生果好新鮮&甜，帶微甜果香，飲完無口渴或偏甜感，呢個價錢+包裝+容量+味道，真係性價超乎想像。日式豬扒拉麵味道唔錯，湯底有點似豬骨濃湯&麻油香味，拉麵口感頗彈，有咬口，煮既麵質軟硬度剛好，吉烈豬扒亦係新鮮炸分開上，炸物香口，整體唔錯。關西义燒拉麵個湯底都係豬骨濃湯+麻油香味，义燒醃製過頗入味，肥瘦度適中，熱愛日本义燒配拉麵既吃貨應該都會鐘意。食完正餐，其實個肚已有8成飽肚，個拉麵同果茶份量頗多，但眼見下午茶時段所有甜品8折咁抵，實在係不可不試，不吃不可，於是就點左個抹茶窩夫&抹茶雪榚芭菲。抹茶窩夫好大份(共四件窩夫)，窩夫與窩夫之間有一大坨”抹茶吉士”，可以自行選擇窩夫夾抹茶雪糕食，或沾抹茶吉士。抹茶吉士質感細滑，抹茶味濃，微甜帶甘。抹茶雪榚好清甜，抹茶味亦重。綠茶甜品基本上無得輸，呢個窩夫堅抵到核爆，下午茶仲打埋8折，$40蚊鬆啲就食到，抵到喊左。另外一個係抹茶雪榚芭菲，佢既高度等同埋杯果茶一樣咁高&大杯，抹茶軟雪榚量亦多，重抹茶味&口感頗細滑，呢一杯芭菲性價好高，有齊丸子、蕨餅、寒天啫喱、甘栗&威化。(呢杯雪榚芭菲打左折之後好似40蚊都唔使)，都係果句，抵到再一次流淚。總的來說，餐廳裝潢舒適，食物有質素&好味道，咁既食物水準配合抵到核爆級別既價錢(埋單無收加一，食咁多野都係共埋$199)，實屬真心抵&好食系列之選，呢獲真係開心大發現，唔黎多轉幫襯都對自己唔住。仲有其他款甜品，琳琅滿目到好似母親的抉擇一樣咁難選擇，如果好似我咁有選擇障礙症既話，揀綠茶甜品試試，包保無得輸…查看更多

見客之前去食啲嘢就諗起附近有一間主打日本菜嘅餐廳，但係價錢好抵食，就一個人去食日本菜，＄100搞掂。天氣開始熱，想食一啲凍小小嘅嘢食，就選擇咗蕎麥面。蕎麥冷麵＄60冷麵表面已經有好多胡麻醬，所以未到已經好夠香濃，醬汁方面就比較有鹹味，所以如果唔需要食好重口味嘅可以唔需要點太多醬汁，否則就可能會有啲鹹。配料方面亦都非常豐富，包括有鮮蝦、調味帶子、蟹柳、青瓜、蘿蔔絲。溝埋一齊食都真係幾正㗎 ！特別係啲鮮真係好爽口。寒天抺茶奶凍＄32食完主菜，甜品第二個胃，又可以再食。奶粉方面除咗寒天同埋抺茶之外仲有紅豆，味道非常豐富，甜甜地而且又清新！隔離仲有啲芋圓真係幾唔錯。雖然唔甜但係有咬口，仲有焦糖脆～白桃西柚果茶＄28 (跟嘢食只係加$8）本身仲以為要比正價去買咁豐富水果嘅水果茶，原來只要惠顧任何主食都可以加＄8就有得飲！唔怪得知台台都有水果茶！個白桃同埋西柚味都幾清新，白桃味道比較突出，而且裏面仲有啲哈密瓜和其他少少水果，好豐富，個杯可以一路攞走一路飲。…查看更多

呢間甜品非常出名，今日終於有時間黎試下啦！中午時間好多人，好彩吧檯仲有位唔洗等~ 食緊既時候出面排晒隊，要等叫號碼。menu 既圖全部都好吸引！！！ 隻熊貓好得意呀！選擇困難症又發作啦！連店名都叫芭菲就當然一定要叫芭菲啦！最終叫左日式精選抹茶芭菲同埋宇治抹茶心太軟。日式精選抹茶芭菲有好多toppings 呀！！！抹茶軟雪糕好濃抹茶味，奶香重，好滑！軟雪糕下面有好多脆米同生果！抹茶海綿蛋糕鬆軟唔算好濃抹茶味，但好有蛋香。抹茶蕨餅煙韌，抹茶味較濃。最底仲有抹茶啫喱添！讚！三色小丸子好煙韌，好有咬口！宇治抹茶心太軟賣相好靚呀！！！ 呢度既心太軟係心型架！ 中間用水果砌成一朵花，好有心思！！！呢個抹茶雪糕同芭菲既軟雪糕唔同，呢個係雪糕球所以硬身D，但都好重抹茶味！主角心太軟外皮脆脆地，裡面鬆軟，好容易切開，抹茶餡立即流晒出黎份量好多！！抹茶味好濃！！！整體來說，甜品性價比高，滿足度爆燈！ 今日主要想食甜品冇叫熱食，旁邊幾枱都叫熱食，下次可以再戰熱食！…查看更多

旺角好多好嘢食 今日就出咗旺角太子個邊覓食🤤 行過始創 覺得好肚餓 見到宮葉cafe嘅menu好吸引咁😆 就揀咗嚟間去食平時食開滑蛋豬排飯 今次見到個鯛魚親子丼見未試過 就決定叫嚟食吓 親子丼一上菜嘅時候望落會覺得好似雞肉咁🙈但食落會發現啲鯛魚煎得啱啱好 香脆同好好食 仲要同份量十足嘅滑蛋一齊炒🤤 配合埋日式醬油同珍珠米 整體都好滿意😋朋友叫咗個牛肉拉麵 佢上菜嘅時候聞到好香嘅味道🤤原來係落左麻油 味道好好食😋😋 另外一個晚飯加8蚊就可以加一杯水果菜🤤仲要好大杯 我地叫咗個荔枝士多啤梨果茶 佢嘅荔枝味比較重 唔係幾食得出士多啤梨嘅味道 但都幾好飲 清清地😋果茶仲會配有好多種類嘅生果🤤有西瓜 荔枝等等 值得一飲😋雖然食到好飽但我地都忍唔住叫咗個士多啤梨雪糕芭菲😍整體加起嚟好好食😋有好多唔同生果 仲會有綠茶味蒟蒻 好正😋😋…查看更多

放左工有節目約朋友去花墟買盆栽，閒逛左陣買完戰利品，之後就係太子近始創商場對出條街果邊多食肆既鋪頭，睇下有咩食醫肚。行經隔離間中式糖水鋪，見到呢間小店，有啲日系既精緻門面，望下門口個餐牌stand，食物價錢相宜同賣相頗精緻，就係咁比佢吸左睛入去。坐落再望多次 menu，真係幾抵下，我就揀拉麵加8 蚊就有杯大水菓茶，點左碗叉燒拉麵加櫻花蘋果水菓茶，朋友就要日式咖喱豬扒飯加芒果青檸水菓茶。唔使一陣，首先上左飲品，真係好大杯&七彩繽紛，我杯櫻花蘋果水菓茶入面唔同既水果 (西瓜、火龍果、青蘋果)， 望落生果好新鮮，飲落亦好重果茶味，唔會係死甜，而係生果糖既天然清香淡淡甜味，呢杯茶果真心賺，如果隨街單買一杯生果汁/手調飲品，都要20-30蚊杯，但呢杯只係點個拉麵+$8蚊，真係好飲兼抵到爛。拉麵亦好快就上，好香麻油味，就咁望碗叉燒拉麵份量都頗為大碗，塊叉燒好好味，吾肥吾瘦，味道亦岩岩好，個麵又煮得唔太淋，軟硬適中帶點挺身，一路食一路呷襯番個拉麵湯底，讚!同朋友share食大家試下唔同味，又試到麵又食到飯，果個日式咖喱豬扒飯既咖哩汁好特別，咖哩香甜中帶少少辣勁，好香口惹味，而塊吉烈炸豬扒係另外碟上的，炸到岩岩好，外層好脆口，唔油膩，鎖到肉汁，豬扒一d都唔鞋口/un/乾身間店既meun仲有好多綠茶甜品名埋其他日系甜品點，碞晒抹茶控既我。點左個抹茶窩夫做甜品，超級大份，有4件，由窩夫到抹茶cream再到抹茶雪糕，都係全綠茶上陣，個窩夫熱度剛好，外層帶脆內軟身，每一口點埋pat綠茶cream或抹茶雪一齊食，絕配，份窩夫有意想不到既驚喜，呢個甜品抵到核爆，如果外面食個窩夫都起馬65蚊，但呢度好似50蚊而已，對抹茶控既我黎講，係個佳音無加一，埋單都180蚊都唔使就食到飽到反艇，而且味道水準上佳，實在有齊番兜的理由，讚。I will be back!!!!!!!!!!!…查看更多

星期日晏晝又去太子做金魚佬。 其實係金魚街揾野食有好多選擇，附近有大量好好食既茶餐廳或港式冰室。 不過黎左咁多次，今次老婆話想食唔同既野。 泊低架車，咁岩見到對面有間裝修雅緻既日本餐廳，又多人。就揀呢間。 門口都有幾個人等位，不過餐廳職員安排適宜，好快就有位。 餐牌都多選擇，主要分為拉麵，飯，小食，甜品同水果茶。我地叫左豬扒拉麵，滑蛋豬扒飯加杯荔枝士多啤梨水果茶。 炸豬扒同拉麵分開放，豬扒買相不錯，厚身金黄。 炸粉有點厚，但還好，整體味道不錯。 拉麵係豬骨湯底，麵質彈牙，麵裡配菜還算齊備。 滑蛋豬扒飯，蛋質不錯，沒有煮太老。份量足夠，都幾抵食。 加8 蚊有水果茶。水果茶真材實料，杯裡1/3 都是水果，味道清新。 下午茶甜品8折。但今次太飽，下次再黎試先。 …查看更多

陪男朋友去金魚街買魚，肚餓搵野食醫肚。走過這間餐廳裝修ok食物價錢又ok，於是走入去試一下。餐牌整得很好，最重要是食物出品與照片相符。我叫的吉列豬扒拉麵只是$54拉麵彈牙、湯底OK不膩、麻油很香豬扒有點小，但勝在脆、熱、明顯是鮮炸男友的滑蛋豬扒丼都好正蛋好滑又夠味！丼飯加$8就有一杯水果茶，裏面都是新鮮水果，記得叫少甜呀！茶味應該會濃一點！杯是硬身的，喝不完可以拿走，邊走邊喝細心！主菜份量不算多，因為餐廳預你會食甜品。下午茶仲有8折啊！今次趕著回家弄魚缸，下次一定要試試。抹茶芭菲好豐富啊！…查看更多

行過路過，見到餐牌都幾平，於是入去試下。叫了碗牛肉拉麵食。冇諗過係會有咁多肉，可惜我唔記得幾錢，不過冇加一，真係算抵食啦。味道都唔錯，仲可以加8元飲特飲。特飲一大杯。…查看更多

呢間食店真係幾抵讚，因為真係好抵食同埋幾好食，一個飯都只係40幾蚊，只需加8蚊就可以飲埋足料水果茶，出面果茶要賣成30幾蚊架陰公，更正嘅係佢竟然唔收加一，真係少有嘅清泉今次係我第二次去食，上次食咗佢地個燒三文魚飯，好好食，今次諗住再黎食。可能今次黎遲咗，落單嘅時候佢地話三文魚賣曬，有d失望，真係估唔到咁好賣，下次要早d黎。最後叫咗個雞扒親子丼配味增湯，加8蚊要咗個櫻花蘋果菓茶。雞扒好食，彈牙唔會死實，雞蛋夠滑，整體好食嘅，味增湯都唔太鹹，我鍾意。今次呢款果茶我覺得偏淡，甜返少少會更好，入面嘅水果依舊咁足料，食埋之後好飽，同時感覺自己好健康。…查看更多

見到價錢都幾抵食，平均一個主食都係五十零蚊，所以都唔特別大期望。最吸晴係一個主食可以加$8飲水菓茶！佢啲水菓茶唔係hae整，入面真係有4-5種生果，士多啤梨、芒果、火龍果大大舊喺個杯度😱！白桃西柚果茶用玄米茶做底，估唔到佢同果甜味夾到又唔會喧賓奪主，成杯嘢飲落口都算清香，中度甜；而藍莓乳酪就因為用藍莓醬，都幾甜😖，中意甜嘅朋友可試試。至於小食都幾貴，叫咗個水牛城雞翼，係幾香口嫩滑，但$40/2隻，相比下真係好貴🤯。又一餐。…查看更多

月尾又想食好西！朋友就話去太子食啦！又幾低玩wor！又甜品又食主食先一百蚊！豬軟骨拉麵！有三件大大舊咁豬軟骨！仲有糖心蛋啊！豬軟骨係正wor!夠林又夠入味！肉夠嫩！唔會柴！又香滷水味！好食！個拉麵湯底就重麻油味啦！糖也蛋夠哂滑！但要早食啦！唔留心浸得太耐熟左少少！不過味道都仲係香既！甜品嫁到！係宇治抹茶木糠布甸 ！最想食既兩樣野合體！好奶味好香！個抹茶味又夠香濃！仲有丸子軟糯又甜！兩人開心share最好！…查看更多

旺角身為鬧市，美食多羅羅😈見到宮葉的甜品十分吸引，決定一試😆😆💕午市時間店內滿座。可見受歡迎程度👍🏻裝潢設計好日式，配合晒個店名同menu😉叫左個關西叉燒拉面🍜❣️拉面濃度適中，面條彈牙🤤🤤叉燒亦十分入味！配埋溏心蛋實是無得彈！！😍😍😍😍仲有杯水果茶😘份量十足！見到裡面好多水果，飲落唔會好多糖同色素！正！！好清新好fresh der🤤🤤🤤👍🏻😘最後梗係唔少得甜品啦🤤呢個窩夫整個都有士多啤梨味👍🏻👍🏻😋配埋雪糕同吉士 真係絕配😛😛😛😛💕…查看更多

🌈🌈去完林村許願樹度就同男朋友坐車嚟到太子食晚餐😋 特登揀左宮葉貪佢主食同甜品一樣高質抵食👍🏻👍🏻 今次先要個咖哩雞扒飯($49)💋💋好豐富嘅一碟飯，咖哩味十足，幾辣下，又惹味，薯仔好淋同入味，撈飯十分滿意！另外可以張隻半熟蛋撈落飯食，蛋味更出😻雞扒厚肉多汁🥘🥘而甜品實在係花多眼亂🍡🍡🍢最後揀左抹茶拿破輪($46)🍭🍭賣相一流呀，最重要係抹茶味非常濃，而且好creamy 👅👅又好脆口，食到一層層口感😌抹茶厥餅亦好重抹茶味，可以減低翻d creamy嘅膩度👻👻…查看更多