112
30
10
港鐵太子站 B2 出口, 步行約4分鐘 繼續閱讀
所有分店 (2)
電話號碼
24413686
營業時間
今日營業
11:00-00:30
星期一至日
11:00-00:30
付款方式
現金
其他資料
加一服務費
食評 (162)
等級4 2017-12-21
501 瀏覽
同朋友去始創中心買完嘢,就喺附近覓食。行經宮葉 パフェ,見到有好多款芭菲,裝修亦好有日本風格。細個睇卡通啲主角都好恨食芭菲,所以我哋對芭菲都有種情意結。難得搵到間價格相宜嘅日系甜品店,一於試試!因為心太軟焗製需時,所以先上日本紫薯雪糕芭菲~好大杯芭菲!完全係我夢想中嘅樣T^T底層由火龍果、蜜瓜、脆脆米同抹茶凍層層堆疊而成。$48好多時只係買到球雪糕,呢杯芭菲咁多料感覺真係好抵。Top view可以見到配料相當豐富。紫薯蓉薯味濃陏,比較甜,但配埋水果就啱啱好。三色小丸子為芭菲添上日本風情。估唔到又幾黏韌軟糯。雖然三隻顏色都係純糯米味,但口感一流~仲有士多啤梨啫喱,酸酸甜甜,中和咗紫薯蓉嘅甜。原來雪糕並唔係紫薯味,有少少失望。不過佢嘅朱古力雪糕唔稀,仲混入咗唔少朱古力碎,而且一味紫薯都有啲漏嘅...咁就放過你啦XD始終唔係時令,蜜瓜唔夠甜。抹茶凍都稀咗啲。抹茶心太軟駕到~上次食咗人生第一次新鮮心太軟之後就一試難忘,今次一於食抹茶味!賣相極之吸引。抹茶雪糕盛於薄荷綠macaroon之上,中間用cream同士多啤梨砌成玫瑰,睇得又食得嘅擺碟係最值得讚嘅~心太軟比想像中大件,拳頭咁大,呢個價位好合理。抹茶蛋糕外層烘成啡色,邊位又透翻綠色~望到都開心~外皮都係脆脆地,一切就開~抹茶漿顏色唔假,伴隨茶香傾巢而出。因為比較大件,蛋糕皮都比較厚,好在做得濕潤味濃。不過唔同人分就會有點漏,畢竟全是抹茶味。顏色好濃~估唔到唔係喺雪糕專門店都食到咁實嘅雪糕,含水量唔高呀~味道冇心太軟咁濃,比較清香。本身以為只係加色素,估唔到會有陣抹茶淡香!比坊間唔少過甜嘅macaroon出色。同場唔少中學生,配料少啲嘅雪糕三十蚊左右就有~甜品款式豐富,但亦有售拉麵、咖喱飯...都幾適合情侶,可以滿足晒男女嘅口味~ 繼續閱讀
(以上食評乃用戶個人意見 , 並不代表OpenRice之觀點。)
「抹茶雙妹嘜」1 焦點食評
等級4 2017-12-10
442 瀏覽
最近認識了一位跟我一樣對抹茶瘋狂的同事, 大家經常會分享各式各樣的抹茶零食, 又不時講吓抹茶經, 哈! 我們一拍即合, 決意組成「抹茶雙妹嘜」, 走遍港九新界, 一起尋找抹茶的美味。第一站就走到九龍區, 目標是抹茶甜品, 作為我們的聖誕甜品餐。店子裝潢用上木系色調, 門口設計帶和風色彩。走進內裏, 地方小小, 只有兩排座位, 一邊有一排單人吧枱和兩張四人枱, 而另一邊是一排長沙發座配二至四人枱, 座位不多。店子沒有花巧的擺設, 只是牆身掛了幾幅菜式大相片, 簡約優雅。翻閱餐簿, 店子雖有供應不少鹹食, 如丼、茶漬飯、小食和拉麵等等, 但我倆今晚的目標是抹茶甜品, 所以集中火力, 主要細閱抹茶甜品那幾頁。一系列的抹茶甜品的確很吸引, 選擇不少, 真是有點難取捨。******************************在多款抹茶甜品中, 先來一客抹茶窩夫Matcha Waffle ($37下午茶時段甜品有八折 /原價$46)。四件三角形的抹茶窩夫 砌成一棵聖誕樹, 樹頂上放了半粒士多啤梨 作為星星, 再唧上朱古力醬 裝飾, 旁邊放了一個大雪球 (抹茶雪糕),還配上幾件芒果肉, 富心思的擺設。又到聖誕, 又到聖誕……真係好應節。把“聖誕樹”拆散, 原來樹中藏着一大堆抹茶忌廉, 難怪“聖誕樹”可屹立不倒啦!我們果然很夾, 同樣先不加任何配料, 想單嚐抹茶窩夫 的味道。窩夫屬薄身, 雖沒有豐厚綿綿的口感, 但全件都烤得很香脆, 口感不俗。嚐到蛋奶香之餘, 亦滲出抹茶的甘香, 還有回甘, 味道不錯, 有驚喜!試試伴上抺茶雪糕 和抹茶忌廉, 再配件柔軟香甜的芒果, 很豐富呀! 抹茶雪糕 略為偏甜,抹茶味不算濃郁, 而抹茶忌廉口感不夠幼滑, 但都有啖啖抹茶味。「抹茶雙妹嘜」一致認為不作任何添加, 單嚐抹茶窩夫最美味。  ******************************一客抹茶窩夫又怎能滿足「抹茶雙妹嘜」呢? 再來一杯日式精選抹茶芭菲 Tokusen Matcha Ice-cream Parfait ($40下午茶時段甜品有八折 /原價$50)。嘩! 配搭多款食材, 放得滿滿的, 份量比想像中多, 單看其賣相, 未吃已令人滿心歡喜,真的越舀越驚喜。頂層唧了四五個抹茶軟雪糕圈,先單單品嚐,極之冰凍幼滑,滿載抹茶的甘香, 甜度剛剛好,沒有一般雪糕那麼甜膩, 比起抹茶窩夫所配的那球抹茶雪糕美味得多, 非常喜歡! 數數看, 抹茶雪糕周邊有一些甜美軟腍的紅豆茸、一件香脆甜美的焦糖脆片、兩件滑嘟嘟的抹茶蕨餅、一件鬆軟的抹茶蛋糕、一粒香甜的栗子, 還插了一串煙韌Q彈的三色白玉丸子 和一支脆口的朱古力棒。最愛是抹茶蕨餅 伴上抹茶雪糕, 兩者的抹茶味同樣突出, 夾埋一齊, 抹茶味進一步提升, 味道濃郁, 正!未完呀! 繼續數數看,再下一層放滿脆卜卜的玄米, 跟抹茶雪糕 同吃, 又脆又滑, 雙重口感。然後是一層酸咪咪的火龍果粒 和清爽的蜜瓜粒, 再豐富一點,還有大量滑嘟嘟的抹茶啫喱粒。一層又一層,配搭非常豐富吸引,所有食材都很匹配,美味得很,令「抹茶雙妹嘜」失控,回味無窮……------------------------------「抹茶雙妹嘜」會不時出動, 今次第一站來到九龍區, 不知下一站會去港島區? 還是新界區? 各位抹茶控要密切留意, 我們還可能會順帶介紹一些好味的抹茶零食, 希望不會被刪除, 可讓一眾抹茶控一同失控。抹茶零食推介:名稱: 極 Andeico Kiwami Matcha Pudding 量數: 102g製造: 日本 (購自 AEON)簡介: 口感非常幼滑,抹茶味濃郁, 吃後回苦,並不甜膩, 好味! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-23
2359 瀏覽
每逢週六,指定動作就是到觀塘接朋友收工,再到附近的餐廳吃飯逛街,朋友表示經常到樓上cafe吃飯,感覺有點悶,所以這次就找找地舖的小店。沿路一直走,發現有一間看似很不錯的日式餐廳,門外掛上大大張的poster,是近日全城熱爆的水菓茶,還有大量吸睛的日式甜品,最後我們決定試試。 餐廳的裝修挺簡約,以木調為主題,帶有淡淡的日本風情,而牆上則掛有多款美食圖片。來到的時候,其實已經130pm,午飯時間,所以人客挺多,查看餐牌,發現食物的選擇蠻多,有拉麵、茶漬飯、小食、甜品及菓茶。關東煮 - 內裏的材料挺豐富,大大片的白蘿蔔,還有雞蛋、蒟蒻、福袋年糕及竹輪等等,入口帶有淡淡的昆布香味,淡淡的,感覺健康,而個人最愛吃福袋年糕,入口煙煙韌韌,非常有咬口。海老茶漬飯 - 天氣炎熱,沒有太大心情吃飯,所以,點了個茶漬飯來吃,它的賣相不錯,碗內放了3隻鮮蝦,入口爽彈,不過,份量蝦肉較少,個人認為廚師可以入點櫻花蝦之類的海鮮小配料在飯內,這就不會令整個飯變得太孤單了。青蘋果檸檬菓茶 - 青蘋果的味道有點人工,而且杯子較高身, 很難把內裏的糖漿搖勻,入口時味道時淡時甜,不過,由於飲品雪得夠冰凍,所以,喝後挺消暑的。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-01-15
13 瀏覽
依間叫宮葉既日式食店,近日多左聽見啲人話佢好食,咁岩依日行開依頭,就食番餐當晚飯,的確有啲驚喜餐廳其實仲有拉麵同埋日式丼飯食既,我就揀左佢推介既日式豬扒拉麵食物都幾快上枱賣相都唔錯個湯底唔太油膩,而麵質都不錯架跟住就試下溏心蛋個黃半生熟,算不錯,食落依然滑流講番塊豬扒先其實係普通一塊吉列豬扒,新鮮炸好,脆卜卜係好食叫個拉麵加8蚊都可以選擇果茶一杯我就叫左杯餐廳推介既櫻花蘋果果茶又大杯又飲佢入面真係落好多生果,同時茶味又好夠必試最後必食重點,當然佢既甜品啦我就一早打算食抹茶雪糕架啦我就揀左寒天啫喱抹茶雪糕抹茶味真係好香好濃,睇唔出間小店做得咁好佢既配料丸子都好彈牙,整體而言,個甜品係必點架 繼續閱讀
(以上食評乃用戶個人意見 , 並不代表OpenRice之觀點。)
等級2 2018-01-14
9 瀏覽
今晚又是寒流襲之夜,又凍又微微細雨,最好整番碗熱辣辣嘅拉麵……入到店內四週環境整潔舒服,店員送上熱茶和menu,……選好了,來一碗义燒拉麵,轉地獄湯底也是免費,天寒地凍梗係轉啦。麵到了,一放到枱面,已經感受到火辣的感覺,先試一啖湯底,嘩……豬骨辣湯底正到呢,义燒又有好幾片,十分足料,但最欣賞的,都是那隻流心溫泉蛋,一口咬落去。。。好溫暖呢!!最後連湯都清埋,如果唔係女朋友要我減肥,一定整多碗,哈哈!總结,下次經過太子附近,一定要再嚟! 繼續閱讀
(以上食評乃用戶個人意見 , 並不代表OpenRice之觀點。)