成都老碼頭火鍋 (已結業)

早幾日媽咪過來接我放工話想食麻辣火鍋，醒起之前好多人推介過成都老碼頭火鍋唔錯， 仲要1930前離座 68折見咁抵食又可以叫多幾款， 呢到入座會收取醬料及水果費$25， 我覺得ok 喎，因一般出面都有收的， 我出去拎時見到有西瓜和柑仔即拎左先，開開個胃。之後我選定左鴛鴦湯底，分別係成都風味無渣紅油麻辣湯小辣+鮮滑豬骨湯， 前者入口輕微麻之後口腔慢慢辣起來， 後者好香甜因好多菇和紅棗。💟 手切極品Prime 牛小排 ～ 輕燙一下，入口鮮嫩。💟 珊瑚蚌 ～ 超爽口💟 滑溜溜鴨血 ～ 一咬下去有份煙韌感， 半份已經咁多件幾抵。💟 鮮支竹 ～ 負責吸麻辣湯的材料💟 蓮藕片 ～ 爽口掛湯💟 手工西洋菜餃 ～ 新鮮包食落係唔同d 。💟 台灣水蓮菜 ～ 之前未食過，一食愛上，輕滾幾下就食得出爽口鮮甜。媽咪話下次要帶謙謙和老豆一齊再來食過。