火焰山重慶火鍋 (已結業)

今日經朋友介紹黎到呢間火鍋店，一入門口，職員友善既招呼，抵讚！因為同行既朋友唔食得辣，老闆好細心推介，最後叫左個鴛鴦鍋。湯底上黎既時候，已經聞到好香，同埋眼見好足料。二個人分別叫左：牛骨髓，萵筍，特長蟹柳，花膠，蟹籽蝦滑，手打墨魚丸，蝦丸，竹笙，滑牛，鹽燒牛舌，牛柳。所有材料食落都好新鮮，特別滑牛經麻辣湯煮過之後，鮮味更加出😻好有驚喜係花膠，好厚身，每食一塊都感受到口入面既骨膠原🥰牛骨髓都無偷工減料，我好小見火鍋店有牛骨髓，好開心。D丸都打得好有口感彈牙，唔係出面個d溝晒粉落去😏好小見屋村入面有間甘有心既食店，雖然中間既單有小小亂，但職員有心跟進改善，希望大家呢段時間支持多啲小店啦！