韓雅林

營業中

休息中

冇咩韓國人唔認識嘅韓雅林 ，喺銅鑼灣做嘢嘅我已經食過幾次！最近去感覺耳目一新，而且菜式亦都越嚟越豐富！今次我就點左韓劇入邊最常出現嘅白飯小偷-醬油蟹！🦀伴住一碗蛋黃紫菜飯，當鮮甜新鮮嘅蟹肉伴上醬油淡淡嘅香味，果然係送飯嘅最佳朋友🐷食醬油蟹最緊要就係多膏同埋新鮮，而醬油味道又唔可以搶過蟹嘅本身，佢哋絕對完美體現到啊！水冷麵-又係一個經典嘅韓國菜，新鮮嘅梨加上涼涼嘅水冷麵，絕對係開胃之選！💓泡菜煎餅-煎到脆卜卜嘅泡菜煎餅，加上帶出鮮味嘅醬汁，一嚿接一嚿，見到我食得咁豪邁就知幾好味啦😝辣牛肉粉絲湯-充滿牛肉，粉絲，配菜，唔鐘意食飯既朋友叫呢個一定唔怕肚餓😂飽到上心口！