老趙越南餐廳

營業中

休息中

今日過佐敦附近做身體檢查，順便食個午餐先上去。係附近見到有間米之蓮既越南餐廳，而且係連續獲得7年既米之蓮推介，即刻入去食吓先。問過店員聽講原來已經經營咗接近50年歷史越南菜式，味道肯定夠正宗👍🏻我叫咗黑椒牛柳粒炒紅飯🩷🩷🩷🩷🩷啲黑椒汁好惹味掛滿牛柳粒啲汁，配埋甜甜酸酸嘅炒番茄汁紅飯，食落好夠鑊氣，而且辣辣地既黑椒配牛柳粒好開胃，同埋叫左個可樂爽下🤓我仲叫左個蟹肉粉絲肉碎金磚飯🩷🩷🩷🩷🩷 見個名幾有趣想食🤓，一上黎原來係蒸蛋包埋曬啲材料。佢將肉碎蟹肉同埋粉絲仲有啲香料整成一個正方形既越式蒸蛋，幾有趣食落層次豐富，同埋口感好多唔同感覺又多水份好正！仲有啲炸蒜葱油同埋酸甜蘿蔔絲配搭好開胃，😍第一次試越式蒸蛋原來叫金磚，都好襯佢呢個名，都係金黃色。