金公館 (康怡廣場北座)

營業中

休息中

今日難得男朋友放假，一齊去返以前成日去拍拖嘅太古城行下， 行到肚餓見到呢度新開咗間 中餐館，門面睇落幾瑰麗堂皇，一於試下佢！雞絲粉皮❤️雞絲粉皮識食一定係食佢個醬！ 麻醬香濃軟滑， 唔會溝到稀晒， 入口陣陣麻香~雞絲都幾嫩滑， 夾住青瓜絲一齊食，味道清新😋鳳梨咕嚕肉 ❤️咕嚕肉炸得外脆內軟，而且裹粉有點太厚食落去係啖啖肉，酸酸甜甜嘅醬汁好開胃， 我哋送完一碗白飯又一碗🤣 川芎天麻燉魚頭湯❤️我同男朋友都好鍾意飲燉湯，見到呢度有個款唔同嘅燉湯，梗係要試下佢個手勢！湯幾足料，而且飲落唔會好重嘅藥材味，非常易入口👍🏻烤北京填鴨❤️烤鴨嘅色澤烤得幾靚，而且片皮脆口，肉嫩滑、油脂香，但又唔會肥淋淋嘅感覺，配埋各式配料一齊食，非常正宗！環境舒適，價錢亦唔算好貴，下次可以帶愛食京菜嘅屋企人黎試下~