弁慶 御好燒 鐵板燒

營業中

休息中

喺香港都可以食到正宗日本大阪風味嘅大阪燒, 太幸福了吧🥰！假日同朋友去咗中環呢間樓上日本餐廳食大阪燒, 由日本師傅主理🧑🏻‍🍳, 我哋當晚被安排坐鐵板燒吧枱, 可以近距離欣賞師傅烹調料理, 而且呢度超有日本氣氛, 感覺置身於日本當地一樣🇯🇵！店內除咗主打大阪燒之外, 亦有各款鐵板燒選擇, 可以一次過滿足兩個願望❣️𓌈˒˒ 推介👍🏻 大阪御好燒加麵大阪燒款式好多, 而且可以自由揀餡料～ 即叫即製, 大阪燒用鐵板煎得鬆軟, 裡面加入炒麵、椰菜同豚肉, 我哋另外再加咗魷魚🦑, 最後淋上秘製御好燒汁同美乃滋。日籍師傅建議我哋喺大阪燒上撒上枱上供應嘅鰹魚粉及海苔粉作調味～ 大阪燒外圍煎至焦脆, 香甜濕潤, 充滿麵粉香, 配上甘甜濃郁嘅御好燒汁, 鹹香惹味！大阪燒有大量爽脆椰菜🥬, 加埋追加嘅魷魚🦑, 口感層次豐富, 非常美味😋！𓌈˒˒ 推介👍🏻 日本玉子卷 係我食過最嫩滑嘅玉子卷🤤！玉子卷色澤金黃, 非常蓬鬆, 仍留有蛋汁, 口感濕潤鬆軟, 有着濃濃嘅蛋香🥚𓌈˒˒ 炙和牛肉日本師傅話, 食前要先將旁邊嘅配料包入牛肉中🥩, 再沾上牛肉燒汁享用。和牛肉肉質鮮嫩柔軟, 牛肉味濃, 味道層次極豐富！𓌈˒˒