紅葉茶屋 (D2 Place TWO)

營業中

休息中

星期五食好啲！「吉列豬扒滑蛋丼」酥脆金黃嘅炸豬扒睇住就好吸引！咬落去肉質紮實但唔柴滑蛋柔嫩細緻，包裹住炸豬扒同米飯，食落去口感同味道更加圓潤唔膩，簡單嘅食材味道卻令人難以忘。「香葱柚子蜆肉烏冬」湯底係用蜆肉熬煮而成，飲落去鮮甜醇厚，仲有蜆肉自帶嘅鹹香味同柚子嘅清新香氣，非常特別！整體飲落去唔會過於油膩，反而帶住一股清爽感，烏冬麵充分吸收。咗湯底嘅精華，配搭飽滿嘅蜆肉一齊入口，每一啖都充滿咗鮮美。「炸物」我哋仲單點咗一份炸物，入面有蝦同蠔，炸得金黃酥脆嘅麵衣唔會過於厚重，食落去嘅時候仲可以聽到清脆嘅聲音，炸蝦口感彈牙，甜味鮮明；廣島蠔飽滿肥厚，一啖咬落去鮮香味四溢，兩者酥香唔膩，配搭埋檸檬汁味道更加清爽。