紅葉茶屋 (D2 Place TWO)

營業中

休息中

今日肚子有點不適，但約了很久沒見面的朋友吃飯，不想改期。於是乎，打算叫些熟的食物，慎防肚瀉。我自己點了一份照燒三文魚定食，而朋友則點了其他炸物定食。本以為照燒三文魚定食，魚一定會是全熟，絕對不會出事。結果一夾開，三文魚只有外層六邊是封煎，中間是全生。 我向服務員表達照燒三文魚好像太生，詢問可否煮熟一點。結果店員回覆：我地用嘅三文魚係刺身級，所以照燒三文魚係半生熟㗎！ 但…這根本是是一成熟吧？為免食完肚屙，我都係將生嘅部分唔食好了如果你地照燒三文魚定食唔係熟食嘅，麻煩一係喺餐牌寫明，又或者放喺刺身定食分類附近。唔好放喺［魚定食］：鹽燒鯖魚定食/吉列廣島蠔定食/燒花魚一夜干定食果欄啦

與友人吃生日飯，叫咗兩個甜品兩個定食，份量剛剛好。甜品、野飲好多選擇，味道都唔錯，圖片與現實的一樣。已經約定友人下次去試吓其他款式嘅甜品。定食:有素食選擇，葱、蛋係另上的，但留意面豉湯是否素食要求，其他伴菜係素食，用嚟餸飯好惹味，但有糖尿病的朋友不要吃太多，略甜。抹茶tiramisu 不膩，忌廉味略重，蓋過抹茶的茶香，但外觀設計風格好吸引。雪糕窩夫里的紅豆很香，丸子都很有口感。水果茶味道不錯，咖啡不酸不苦，用來配甜品剛好。

Came here to have some desserts with the girls, but the QR order system MESSED UP. There were orders which we didn’t choose appear in our cart, and two extra glasses of drinks (The same one!)- which we didn’t select neither- in our list of confirmation. What a joke?! The staff just brought the two extra drinks to us and partly persuaded/ forced us to take them, and wasn’t helpful/ eager in figuring out the problem on their QR order system. We didn’t want to start an argument so this time we just

見到網絡評分高，所以就行開附近就試吓佢啦。等位唔使等好耐。一入去地方空間都幾寬敞嘅，坐得幾舒服我哋，叫咗一碗拉麵及一個牛肉飯個牛肉飯。幾好食，佢啲牛肉係質素唔錯，但係拉麵叫之前，問店員可唔可以轉熟蛋，因為唔食得流心蛋，店員回應佢哋嘅蛋係預先制過，唔可以再幫我哋加熱成為全熟蛋，我哋只可以選擇走咗個蛋。呢一點我哋就覺得佢有啲不近人情，因為平時去茶餐廳或者拉麵舖叫佢哋轉熟蛋，其實都冇試過俾佢哋拒絕嘅。所以奉勸各位準媽媽唔好去嗰度食啦，因為餐廳唔會幫你將糖心蛋變做全熟蛋。🥲🥲🥲

黎到鎌倉的人氣和風Cafe，整體感覺閒適，以日式木系為主，非常適合食日本料理同享受甜點😍😍平日晚上都算人多，等了一陣才能入座 ❇️推薦A4黑毛和牛壽喜燒定食🥩🥩🥬 和牛肉質爽嫩，份量幾足，蔬菜、豆腐都吸晒壽喜燒汁嘅甜味，好好食呀🤤🤤🤤 Full Set包埋溫泉蛋、白麵豉湯、日本漬物，好飽肚‼️ ❇️明太子忌廉烏冬🍜🍜 賣相吸引，明太子份量大方且味味突出，撈入奶油忌廉湯好creamy，層次感十足👍 ❇️推薦鎌倉紅葉茶屋特製軟雪糕芭菲🍨🍈 期間限定蜜瓜味軟雪糕，雪糕濃郁好滑順，配料有紅豆泥、白玉、cream同抹茶凍等，一層層既餡料非常豐富😍❣️❣️ 總結餐廳食物好好味，環境舒適闊落，價錢又合理，值得喜歡日式Cafe嘅朋友一試😋👍👍👍

在D2覓食見到這裡門口有一張poster，推廣一個幾吸引既期間限定甜品Set：有夕張蜜瓜雪糕、奶凍、抹茶培茶Tiramisu。甜品控朋友好想試，於是我們看完電影便來這裡食甜品下午茶由於怕雪糕會溶得快，所以一開始便盡快KO ice-cream，第一啖雪糕像食緊夕張蜜瓜，這雪糕超正。之後食奶凍即有點後悔，因為雪糕甜味充滿味蕾，導致奶凍味道淡咗。最後到Tiramisu，有淡淡既抹茶及焙茶味道，cream夠滑。這個甜品配上一杯熱煎茶可以作tea set享用。以這個價錢有三款甜品，不防一試。

都鍾意食呢間嘢食咗好多年，之前呢間嘢就係T.O.P，後來就搬咗去荔枝角D2 Place，今次都係第一次去荔枝角呢間舖度食嘢。啲食物水準都保持到同以前一樣，唯一可以挑剔嘅係個菜單咁多年都冇乜變過，缺乏咗啲新意。我本身都係一個好悶嘅人，每一次都係食同一樣嘅魚生茶漬飯，咁多年個水準都保持得唔錯，不過只可以話個份量就唔算太大，好多時都要再額外嗌其他食物或者甜品先會飽。每人平均消費通常都唔過$200 ，我覺得都還算幾平民化。

鬼佬今晚返家鄉過聖誕，臨飛前要做啲last minute shopping 😂所以去咗D2 Place.去到差唔多一點，緊係要食啲嘢先啦😂去到D2 Place Two, 上咗扶手電梯，見呢間嘢唔洗等位，有熱野食，又唔係西餐（鬼佬返到家鄉日日食西餐，唔洗喺HK食），就入咗去啦。冇lunch sets,不過選擇都幾多；有定食🍱、茶漬飯、丼、烏冬、拉麵🍜仲有好多甜品：窩夫🧇、芭菲、新地🍨、特色飲品👍🏻我哋叫咗3樣嘢：✅蒲燒鰻魚滑蛋丼鬼佬話好正，啲蛋好滑，鰻魚feel唔到有骨😂份量啱啱好👍🏻有一細碗麪豉湯🥣仲有少少配菜：酸蘿蔔同銀魚仔✅吉列豬扒定食吉列豬扒啲炸粉比較厚，👎🏻都係有一碗麪豉湯🥣同2樣配菜。飯嘅份量適中🍚✅抹茶白玉紅豆窩夫🧇有一球抹茶雪糕同一球紅荳蓉，幾好味。但係窩夫就唔夠熱同脆😅不過$68都算係咁餐廳環境舒服，仲係pet friendly🐶🐱🐰帶埋寵物嚟食飯飲嘢都ok㗎☺️

放大假約了媽媽－起吃午飯，原本訂了另一間「x舞」，去到居然分配bar位給我，於是到別處搵食。無計劃地走進D2 Place, 看到紅葉茶屋，明亮、潔淨又寬躺，竟有位還是卡位！餐牌分類仔細選擇很多。我們點了燒微辣牛肉定食和豪華吉列豬扒吉列蠔定食。我喜歡新鮮的食材，每份定食都配有鮮菜沙律，看得出用心處理，蔬菜很清潔喎，又切得很仔細容易入口，很多時候鮮菜沙律都有苦澀味，這裏的一點也沒有。前菜是wasabi 菠菜和七味牛蒡絲，很少前菜讓我感到吸引，但這次我完全吃光，送米飯十分夾。燒微辣牛肉很香口惹味，分量夠。燒牛肉火候剛剛好。吉列蠔也很不錯，蠔味道濃沒有腥味很新鮮，外脆內軟。至於吉列豬扒，吉列炸粉不是厚厚的，豬扒非常軟嫩。略為遜色是麵豉湯，太淡。但我喜歡它用杯子上而不是湯碗。很滿意一餐我會再來光顧。

難得尋晚星期五品使加班，未夠7點路過，唔使等太耐，就打算去食久違既壽喜燒啦！🤤好快已經可以入坐，落完單都只係大約7點10分左右。😊大約7點半左右，朋友既鯖魚定食已經到左，再等左10分鐘左右，就問問樓面壽喜燒整好未，回覆只係製作中，要等等。😤眼見其他枱，比我遲黎既啲食物都已經不停咁到，見朋友都食到咁上下，所以又忍唔住咁不停追問店員，點知呢個問幾時整好同等等既回覆，一直來回咁問同回覆到8點15分左右先等到個壽喜燒，😮‍💨最後因為等得太耐，等到連原本想食既甜品都無叫到。😵‍💫要等成個鐘，下次無時間都唔敢再去食

主食：芝士雞肉蕃茄忌廉烏冬$88烏冬麵好大碗，烏冬係粗身烏冬，比較有嚼口，湯底勁重芝士蕃茄味，好creamy，芝士同蕃茄撈埋一齊好夾🫢細心位係芝士蕃茄湯底食得多會好膩，佢加左小小蒜片，食落冇咁肥膩，同好飽肚🧀飲品：冰忌廉抹茶拿鐵$45係我最最中意飲既抹茶拿鐵💚抹茶味好濃，味道剛剛好，不會苦又不會太甜，感覺好似食緊雪糕咁☺️

同同事食晏想食日本野，見依間暫時未係好多人就衝左入去🤪 落單係用QR code自助落單，旁邊亦設有自助斟水區比你自己斟熱/常溫水。 今次叫左豪華海鮮丼茶漬飯，佢有得揀2種湯-昆布湯或香濃蝦湯嘅。我揀咗跟蝦湯味，今次再食覺得佢個香濃蝦湯真係有濃咗啦不過就咸，之前食過一次覺得佢個蝦湯好淡口🤪今次總算有改進。而刺身都keep到幾新鮮唔錯，湯唔夠係可以叫店員再添嘅。上菜嗰陣有跟埋食法指引比客人參考。 如果佢個湯做到香濃而唔係好咸就更好💕

2023.07.02呢一晚，諗唔到食咩，近近地諗起呢間，食物算ok又幾好坐！今次揀唔同嘅食物，其實對我俩來講，都唔算多選擇，我哋兩個都要湯烏冬，再加一個煎餃子。我個腐皮烏冬好正常，都有小前菜，唔錯👍🏼 而女友個芝士雞肉番茄忌廉烏冬就有點意外，我哋好少叫呢款，估唔到係咁嘅賣相，味道都幾好，係啲雞就⋯⋯白雪雪咁，睇落同食落就一般，如果可以煎一煎就好喇，定係會唔襯呢款鳥冬嘅味🤨 炸餃子，好味喎，價錢好合理😊👍🏼

我琴日同朋友去食，職員服務態度幾好。雖然價錢偏貴，但食材豐富，新鮮。值得嘗試。鍾意食日本嘢嘅話，可以去試吓。好似仲有茶泡飯，諗住下次過去試食。鍾意食日本嘢嘅話應該會啱！

環境舒服 ,職員主動問坐出面定入面,叉燒不會太肥,頭盤小食不會太重味,價錢合理,黑蜜抹茶蕨餅特別,抹茶味濃,正 ,抹茶蕨餅,好食,牛奶雪糕入口即熔,抹茶也濃,柚子冷飲好正