影片
開飯介紹
來自日本鎌倉的人氣和風Cafe，供應壽喜燒、丼飯、拉麵、甜品等美食；其雅致舒適的木系裝潢，提供一個可放鬆身心享受美食的用餐環境。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
有關獎賞計劃
來自日本鎌倉的人氣和風Cafe，主打一系列日式美食，如定食、壽喜燒、丼飯、拉麵、人氣芭菲等，高質之餘仲相當抵食，最喜歡可以點一個小食，然後可以用優惠價加配小食和飲品，真係性價比超高👍▪️吉列豬扒滑蛋丼 $ 118豬扒酥脆可口，肉質軟嫩Juicy，洋蔥滑蛋配合日本米飯，再加上特別醬汁，開胃美味，而且每份定食會奉上自家製嘅日本漬物和麵豉湯▪️照燒雞肉定食 $ 108雞肉份量不少，口感嫩滑配合照燒醬汁，送飯一流，喜歡這裏的珍珠米飯口感軟熟，而且盆菜仲有大量沙律菜▪️蕃茄胡麻沙律 + $ 20新鮮沙律菜和小蕃茄，配上香口惹味嘅麻醬，好味得越食越想食▪️炸牛肉薯餅 + $ 15套餐加配價真係超抵食，薯餅外層超香脆，一啲都唔油，薯蓉加埋牛肉碎超好味，滿滿日本風味▪️冰芒果西柚紅茶 + $ 20夠晒足料，有幾片大大塊的新鮮西柚和芒果肉，配上紅茶，清新好味▪️三文魚他他芝士脆片 $ 38 創意之作，芝士脆片係用新鮮芝士焗成，香口酥脆，配上三文魚籽和他他，鮮味滿溢▪️藍鰭吞拿魚赤身$ 68味道濃郁，帶有豐富的魚鮮味，口感紮實▪️鎌倉紅葉茶屋特製軟雪糕芭菲 $ 75絕不能錯過這裏的甜品，這個芭菲我選擇咗牛奶軟雪糕 ，材料超豐富，有蛋糕、忌廉、蒟蒻、麻糬，雪糕等等，再自己淋上黑糖醬，夏日炎炎食，佢就最啱
繼續閱讀
上次喺分店淨係食咗日式定食眼見甜品都咁吸引 所以決定再戰多次無論係定食定甜品飲品每一款都好有日式風味🍵 🔸 牛肉壽喜燒定食 薄切牛肉浸入壽喜燒湯底吸滿醬汁 超餸飯 配埋半熟溏心蛋 沾上蛋液嘅牛肉更加滑嫩鍋底有大量蔬菜 菇菌 豆腐等配料 營養又健康定食仲有白飯 小菜同味噌湯 非常又飽肚🔹 鹿兒島黑毛一口和牛定食黑毛和牛 牛味香濃 油脂部分入口即化用黑椒調味 肉汁醬汁四溢 一口一件非常配飯配上沙律菜 適合中和返肉類嘅濃味🔸 冰芒果 & 西柚紅茶 香甜芒果配上新鮮西柚 紅茶飲落味道酸甜平衡 清新解膩特別適合配埋濃味嘅定食🔹 冰忌廉抹茶拿鐵 宇治抹茶同奶比例大概係7:3 非常濃郁抹茶帶點微甘配上奶香 再加入鮮忌廉 令口感更細滑抹茶迷一定會大愛呢杯飲品(⁎⁍̴̛ᴗ⁍̴̛⁎)🔸 士多啤梨朱古力新地 以窩夫作為盛裝器皿底層有脆卜卜粟米片 及香濃朱古力雪糕以鮮甜多汁嘅士多啤梨及醬汁作為點綴中間有牛奶軟雪糕 2種口感嘅雪糕放埋一齊又幾得意 大滿足！🔹 鎌倉紅葉茶屋特製軟雪糕芭菲蜜瓜軟雪糕香甜 每層都有唔同嘅配料: 紅豆蓉 白玉 忌簾 日式抹茶啫喱層層堆疊出豐富嘅視覺同味覺享受完美演繹日式甜品嘅精緻！🚩紅葉茶屋 荔枝角長順街15號D2 Place TWO 1樓110-111號舖
繼續閱讀
今次黎到位於D2 Place 嘅紅葉茶屋❤️ 餐廳以熊貓作主題佈置，大大小小嘅角落都找到熊貓嘅蹤影😆 超級可愛令人心花怒放😎 熊貓迷不能錯過喲😘 午市時段有多款優惠套餐主食㨂👍 🐧 就㨂咗一客勁豐富嘅牛肉壽喜燒定食😋 壽喜燒大大鍋熱辣辣送上，湯香四溢極為誘人🤤 內含大量美味牛肉同埋多款入味配菜，非常足本✅ 牛肉食落軟嫩入味，配埋溫泉蛋真心正😚 🐧🐧 buddy 就㨂咗一份鹿兒島黑毛一口和牛定食😋 一口和牛一啖入口，濃郁嘅牛香滿盈，鹹鮮又惹味，伴飯食剛剛好🤩 黎紅葉每次一定會叫佢哋嘅和風甜品🥰 跟套餐仲可用優惠價換領😚 先選了一份紅葉三重奏❤️ 內含黑蜜抹茶蕨餅、迷你抹茶朱古力芭菲同埋抹茶雲石芝士蛋糕😚 蕨餅同埋芭菲都可以自選口味架😘 一次過三重享受❤️ 超滿足🌟 多選了一客鎌倉紅葉茶屋特製白玉餡蜜📍 色彩繽紛嘅賣相好靚💚 白玉軟糯綿密，嚼感十足，配埋甜美嘅黑糖漿一齊食，絕對係完美享受🤗 兩杯飲品❣️ 芒果百香果茶同埋熱抹茶拿鐵🤩 前者清新解膩，後者順滑醇香，兩者用黎送甜品都非常夾架🤗
繼續閱讀
呢間餐廳做緊熊貓主題，有好多熊貓公仔裝飾佈置，仲有熊貓公仔陪你食飯，都幾得意，呢度裝飾好日本feel，食物都多樣化，日式為主。我地叫左一份吉列炸豬扒定食，配海帶湯同前菜青瓜，仲有轉左烏冬，烏冬好大碗同彈牙。炸豬扒配有豬扒醬汁同芝麻。另外仲叫左一份洋蔥炒牛肉配飯，牛肉份量都幾多。Dessert:必食推介抹茶提拉米蘇，抹茶味濃郁，軟綿綿既蛋糕口感。紅葉茶屋 (D2 Place TWO) 地址 : 荔枝角長順街15號D2 Place TWO 1樓110-111號舖
繼續閱讀
今次又被餐牌相吸引，同Friend子來個Happy Lunch。壽司配迷你櫻花蝦烏冬: 一來就俾餐牌相片吸引，真身同相片百分百完美還原。八貫壽司每一粒都食得出刺身嘅鮮甜，當中最突出就係蟹肉壽司，鮮甜無比﹔另有一款醬油蝦加上柚子酸甜味嘅創作壽司都相當特別。烏冬煙韌彈牙，櫻花蝦嘅加入令烏冬更加咸鮮。大滿足!豪華海鮮丼茶漬飯配鰹魚昆布湯﹕首先擺盤賣相係勁精緻，三文魚同吞拿魚都有濃郁油脂香氣，帶子鮮甜無比，甜蝦夠甜又夠腍滑，芥末似係新鮮即蘑，所以味道更為強烈。倒入熱辣辣嘅鰹魚昆布湯來一個變奏，同米飯結合增添濃郁嘅海鮮風味。雪糕抹茶拿鐵: 餐點加飲品只需$25就有大大杯，超正! 本身抹茶基底味道濃郁，加上一大個雲尼拿雪糕，變成一杯甜美又順滑嘅嘅抹茶拿鐵。海鮮炸物盛合: 廣島蠔一向以肥美多汁聞名，外酥內軟而且超級濃郁香甜。炸蝦必要搭配檸檬汁同塔塔醬，酸甜清爽。紅葉三重奏﹕又係被餐牌吸引而點，三重奏一次過滿足晒三個願望。抹茶雲石芝士蛋糕有濃郁咸香嘅忌廉芝士，配一層微苦嘅抹茶忌廉。黑蜜抹茶蕨餅味道微苦甘甜。明明話係迷你抹茶朱古力芭菲，但份量一啲都唔迷你。芭菲最吸引之處莫過於從透明高身杯所見到豐富嘅層次感。抹茶軟雪糕加兩粒抹茶軟心朱古力，下層係酥脆嘅玉米片，白色係輕盈鮮忌廉，而最底層係抹茶寒天Q彈味濃。一杯芭菲試到唔同材料，整體配合平衡，壽司配迷你櫻花蝦烏冬: 一來就俾餐牌相片吸引，真身同相片百分百完美還原。八貫壽司每一粒都食得出刺身嘅鮮甜，當中最突出就係蟹肉壽司，鮮甜無比﹔另有一款醬油蝦加上柚子酸甜味嘅創作壽司都相當特別。烏冬煙韌彈牙，櫻花蝦嘅加入令烏冬更加咸鮮。大滿足! 抹茶控超喜歡!
繼續閱讀