麻辣風雲 (京都廣場) (已結業)

一入到去麻辣風雲，已經見到佢最搶眼嘅紅色枱！代表着啲咩就梗係代表着川菜啦😌一諗起川菜就一定要叫佢哋嘅乾煸四季豆，就算平時唔鍾意食菜嘅我，一定會可以成碟食晒！冇計啦邊個叫佢個汁送飯咁好食喎！而且平時自己又煮到冇咁好食！四季豆炒出嚟超級有鑊氣！好難得嘅就係D豆又唔會過老，食落去又夠爽脆🥳跟住就係酸菜炒肥腸，呢碟最出色就係佢嘅肥腸又肥又美 ，配上酸菜超級開胃🤩之後食埋佢嘅酸菜魚，完全可以分別到師傅落足心機去處理酸菜。即使係簡單嘅酸菜都可以煮出兩種食法，兩種口感兩種感覺！果然係大師傅嘅傑作☺️☺️因為天氣炎熱嘅關係，最尾就叫咗個涼拌雞絲粉皮，雞絲粉皮入面嘅青瓜絲，切的厚薄適中而且吸晒啲汁食落去簡直透心涼😗