阿木台灣麵 (廣華街) (已結業)

之前已經食過幾次堂食，次次都排長龍咁，但真係值得一食。食過一次真係返唔到轉頭，因為喺香港食過最好食嘅蛋餅！芝士玉米同肉鬆一樣咁好食，今次重叫咗兩個添。一食再食！推介！今次因為冇得夜晚堂食，唯有外賣自取。本身都驚外賣凍咗淋咗唔好食，但因為佢係湯麵分開裝，啲麵唔怕會淋。個麵我拎到返去就算擺咗一陣先食，凍咗少少都係咁好食。 蕃茄湯夠濃唔會太咸，啲肉同堂食一樣咁多。蛋餅就算外賣都一樣咁足料！下次一定會再食！