影片
更多
2021-06-22
402 瀏覽
食過幾間唔同既古早味蛋糕，始終覺得哩間最好食，所以今日過開嚟深水埗哩邊，就順便買左兩款返去。哩間古早蛋糕店有接近100款口味可以選擇，仲可以自訂口味，訂黎做生日蛋糕，店舖會幫手蓋壽桃印或者祝福語，你想訂幾大個都得！今日過嚟就咁啱見到一個😆店舖仲會提供蠟燭、黑白朱古力筆俾你寫祝福語。哩間蛋糕店既賣點係每日低溫烘焙製造，唔會燶邊燶底，全部口味都低糖少油，連朱古力味都係用無糖可可，所以我今次都買左朱古力同埋芋泥味返去。🎈特級骯髒朱古力古早蛋糕🍫 $85蛋糕面鋪滿色彩繽紛既朱古力同埋Oreo碎，裏面仲有一層朱古力醬，所以朱古力味濃郁，但係因為係低糖既關係，所以唔會太甜，食多左都冇咁大罪惡感🤣蛋糕質感濕潤鬆軟，蛋香味濃。🎈芋泥味古早蛋糕 蛋糕質感同樣濕潤鬆軟，裏面有一層芋泥餡，芋泥質感綿密厚實，好重芋香味，哩隻味道既蛋香更濃，但記得一定要放雪櫃啊！整體黎講，店舖既古早蛋糕真係夠晒正宗，即使放左三日都仍然挺新鬆軟，而且有多款口味可以選擇，值得一試。🌟溫馨提示🌟1.店舖而家有印花卡，買一個古早蛋糕可以蓋一個印，集齊12個印花可以換原味古早蛋糕一個。2.最好預先打電話黎預訂，因為真係好好賣，就咁過黎未
哩間古早蛋糕店有接近100款口味可以選擇，仲可以自訂口味，訂黎做生日蛋糕，店舖會幫手蓋壽桃印或者祝福語，你想訂幾大個都得！今日過嚟就咁啱見到一個😆店舖仲會提供蠟燭、黑白朱古力筆俾你寫祝福語。
哩間蛋糕店既賣點係每日低溫烘焙製造，唔會燶邊燶底，全部口味都低糖少油，連朱古力味都係用無糖可可，所以我今次都買左朱古力同埋芋泥味返去。
🎈特級骯髒朱古力古早蛋糕🍫 $85
蛋糕面鋪滿色彩繽紛既朱古力同埋Oreo碎，裏面仲有一層朱古力醬，所以朱古力味濃郁，但係因為係低糖既關係，所以唔會太甜，食多左都冇咁大罪惡感🤣蛋糕質感濕潤鬆軟，蛋香味濃。
🎈芋泥味古早蛋糕
蛋糕質感同樣濕潤鬆軟，裏面有一層芋泥餡，芋泥質感綿密厚實，好重芋香味，哩隻味道既蛋香更濃，但記得一定要放雪櫃啊！
整體黎講，店舖既古早蛋糕真係夠晒正宗，即使放左三日都仍然挺新鬆軟，而且有多款口味可以選擇，值得一試。
🌟溫馨提示🌟
1.店舖而家有印花卡，買一個古早蛋糕可以蓋一個印，集齊12個印花可以換原味古早蛋糕一個。
2.最好預先打電話黎預訂，因為真係好好賣，就咁過黎未必買到自己想要既口味。
3.可以免費係深水埗地鐵站交收，就算你揸車過黎，都可以拎出馬路邊俾你，非常方便。
張貼
