峇里堂

營業中

休息中

今日係星期六 特別想放假嘅日子出去走走☁️行吓行吓尖沙咀 見到山林道樓上開咗一間印度餐廳 今次係第一次食印度菜 覺得感覺好特別 亦都好新奇🙆🏻‍♀️🧚🏻‍♀️一出電梯門口 就見到已經有販賣佢哋嘅香料❤️ 仲有蝦片埋添 我臨走都買咗一包🦐🦐店內嘅環境非常舒適 尤其是我兩點嘅時候先入去 坐喺呢個位置剛剛好 太陽直晒背脊 好舒服😌🙆🏻‍♀️望出窗外 仲見到佢哋嘅掛燈 聽講已經有30年歷史 保存得非常之好 增添左好多氣氛😍呢個雞湯🐔🐔真係比滿分 💯 入邊除咗湯料之外仲會有粉絲 好足料嘅感覺啊🥰🥰 鍾意食辣嘅朋友記得攞佢嘅蝦醬辣椒 真係好夾呀成個味 我將一滴湯都冇剩添 下次都會再嚟❤️ 不過呢個湯剩係得星期六日先有㗎咋 星期一至五係冇呢個選擇㗎 大家留意番啦 🥰🥰最後仲叫咗呢個雙色咖央多士🍞🧈 真係好好食呀 佢個咖央醬會帶少少斑蘭味 多士好脆又夠熱 不過牛油可以再薄少少 咁就唔會太油膩嘅感覺🙍🏻‍♀️咁樣就滿分啦❤️❤️最後 呢間餐廳嘅氣氛比我好舒服又放鬆嘅感覺 係一個好好消磨時間嘅地方 可以邀請同啲朋友上嚟傾吓計 除咗正餐之外仲會有咖啡 包點 都好適合下午茶🫖 店員嘅服務態度都好好 埋單見到仲冇加服務費 ❤️ 不